POP 5

Lajmet më të lexuara të 5 minutave të fundit

Kronikë

Saimir Sula u kthye pa zemër, autoritet spanjolle nisin hetimin pas letërporosisë nga prokuroria shqiptare

Pas letër-porosisë së dërguar nga prokuroria shqiptare për rastin e 31-vjeçarit Saimir Sula, i cili u kthye pa zemër nga Spanja, autoritetet spanjolle kanë nisur hetimin

Pas letër-porosisë së dërguar nga prokuroria shqiptare për rastin e 31-vjeçarit Saimir Sula, i cili u kthye pa zemër nga Spanja, Report Tv mëson se autoritetet spanjolle kanë nisur hetimin.

Në letërporosi prokuroria shqiptare ka 10 kërkesa për autoritetet spanjolle, mes të cilëve edhe të gjendet shkaku pse mungon zemra e shtetasit Saimir Sula. Saimir Sula ndërroi jetë në spitalin 'Hospital Del Mar' në Barcelonë Spanjë dhe ka ardhur në Tiranë pa zemër. Mungesa e zemrës u konstatua në Tiranë.

Familja e të riut shqiptar që ndërroi jetë në Spanjë u trondite pas ekspertizës së bërë nga Instituti i Mjekësisë Ligjore.  Report Tv mësoi se atij i mungonte zemra, e për pasojë Prokuroria e Tiranës ka nisur hetimet për “Shit-blerjen e paligjshme të organeve njerëzore”.

E gjitha nisi pas dyshimeve të vetë familjarëve, pasi panë se në trupin e pajetë të djalit të tyre Saimir Sula, kishte një të çarë në pjesën e zemrës. Dyshimet u shtuan edhe më shumë, kur panë se në kartelën mjekësore të hapur nga spitali spanjoll nuk ishte specifikuar një asnjë rresht të saj se të riut 31 vjeç nga Tirana, i mungonte zemra.

Me mbërritjen e trupit në Tiranë, familja ka kërkuar ekzaminimin mjeko-ligjor të trupit, ku u konfirmuan dyshimet e familjarëve se Sulës i mungonte zemra. Ky rast është referuar në Prokurorinë e Tiranës në 27 maj të vitit 2020. Të afërmit dyshojnë gjatë mjekimit në Barcelonë, 33-vjeçarit i është marrë zemra në rrethana dhe arsye ende të paqarta, çka ka bërë Prokurorinë e Tiranës të nisë hetimet për zbardhjen e plotë të kësaj ngjarjeje të rëndë. 

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

BBC: Si u kthye Donald Trump nga humnera politike?

BBC: Si u kthye Donald Trump nga humnera politike?

2 Nëntor, 13:10