Sali Berisha i këkon falje
publikisht Eni Koçit

Rreth një muaj pas festës surprizë që i bën për ditëlindje në datën 5 korrik, këngëtarja Eni Koçi ka publikuar një video në kanalin e saj në “Youtube” me të gjithë urimet që mori në ditën e saj të lindjes.

Surpriza e ideuar nga motra më e madhe, Greta Koçi, ka përfshirë shumë personazhe të cilët nëpërmjet videomesazheve i uronin 18 vjetorin këngëtares simpatike Eni Koçi.

Surpriza në këtë videomesazh ishte prania e dy figurave kryesore në Partinë Demokratike Sali Berisha dhe Lulzim Basha.



Lidhjet e Enit me këtë forcë politike janë krijuar prej angazhimit të motrës së madhe, këngëtares Greta Koçi e cila mban prej disa vitesh postin e Nën/kryetares së Forumit Rinor të Partisë Demokratike.

Kryetari historik i së djathtës Sali Berisha, zbulon në këtë video se edhe pse Eni e ka ftuar në ditëlindjen e saj me anë të një sms-je, ai nuk do të mund të ishte pjesë e festës.

Duke i kërkuar falje Berisha e uron Enin dhe e vlerëson për gjithë kontributin që ka dhënë në të gjitha fushatat elektorale të PD-së.

“Është një kënaqësi e veçantë t’iu përshëndes ju, mikeshat dhe të gjithë miqtë dhe familjarët që feston sonte 18 vjetorin e lindjes, një nga datat më të bukura të ditëlindjes së njeriut.

Gjithashtu të falenderoj me shumë mirënjohje për gjithë mbështetjen e fuqishme, ku me përkushtim të madh ke qenë një yll artistik në të gjitha fushatat tona dhe jam i bindur se do të vazhdosh po me kaq përkushtim mbështetjen e Partisë Demokratike dhe në të ardhmen”, - thekson Berisha në urimin e tij përmes videomesazhit.

Në këtë urim janë përfshirë dhe mjaft emra të njohur të artit shqiptar dhe zërat e PD-së, ku ndër këto ishin; aktorja Ema Andrea, këngëtarja Eli Fara, humoristi shkodran Julian Deda, Irma Libohova, Gaz Paja dhe Grida Duma.
Redaksia Online
(i.n/shqiptarja.com)