Berisha shkon në selinë e PD: Në gjykatë kërkesa për regjistrimin e statutit të ri të PD! Ramën e shpëtoi referendumi i 'pengut', shumë shpejt protesta! Basha në mbledhje në zyrën ngjitur (VIDEO)

Deputetja e Partisë Demokratike Flutura Açka u është përgjigjur komenteve të Grupit të Rithemelimit në lidhje me njerëz të armatosur brenda në selinë e PD-së. Ajo ka publikuar një foto brenda mbledhjes që po zhvillojnë me Bashën, ku shfaqet së bashku me deputetët Ina Zhupa, Flamur Hoxha si dhe Orjola Pampuri.

'Armët tona janë fjalët dhe zemrat demokrate! Me Inën, Flamurin dhe Orjolën'- shkruan ajo.

Deputeti Flamur Noka thotë se Basha po mbrohet nga ushtria e Ramës. Noka tha se nuk ka parë njerëz të armatosur. Ai tha se zyrat janë vjedhur dhe se bravat janë ndryshuar pasi Basha nuk di të bëjë më gjë tjetër veçse të jetë ustallar bravash.

'Në shpinë tonë shkojmë dhe vijmë përditë. shoqata e bravave mendon se mund u mbyllë shtëpinë demokratëve duke u ndërruar bravat, këto janë gjëra të neveritshme, por tregojnë veten peng Bashën me të tij janë thjeshtë ustallarë bravash. Çdo ditë po demaskohen. Unë nuk kam parë, por të kisha parë do flisja ndryshme. Po shoh vjedhje të zyrave të forumit rinor. Banda e bravave është mbyllur nën bunker. Pyetni pengun! Vetëm pengu mbrohet me ushtrinë e Ramës. Janë këtu përjashta.'- tha Noka.

Heqja e ‘non grata-s’ nga SHBA për ish-kryeministrin Sali Berisha mbetet  qëllimi kryesor. Edhe nga konferenca e mbajtur sot nga PD, Berisha një pjesë të madhe të fjalës së tij foli për këtë çështja.

Teksa tha se pret nga SHBA-të që të kërkojë falje për shpalljen “non grata” pa asnjë provë. Ai vijoi duke thënë se nëse një ndjesë e tillë do të vinte ai do ta pranojë atë.

 “Padiskutim , që nëse do të ketë një apology, unë do ta pranoj,” tha Berisha.

Pas Belind Këlliçit, edhe Sali Berisha flet për persona të armatosur.

"Bandat e qeverisë kanë hyrë edhe në selinë e PD. Nuk ka konflikt, prania e bandave të armatosura në seli është çështje e veçantë, të rinjtë thonë se erdhën dhe na kërcënuan me armë, janë në një hapësirë tjetër, nuk jam i rrezikuar, të rrezikuar janë ato që lozin me banda, se të fusin njerëz të armatosur është krim i shëmtuar, të mbajnë ato përgjegjësi. Demokratët të distancohen menjëherë nga këto akte të turpshme, ata që na kthenin armët ne, ishin kriminelë të sigurimit të shtetit, bandit të ish-diktaturës, por që ish-kryetari të kryejë një akt të tillë, përbën një krim të shëmtuar të gjithë anshëm. ", tha Berisha.

Demokratët thërrasin në selinë blu "Basha Ik", teksa grupi i rithemelimit të PD, me në krye Sali Berishës kanë bërë foton zyrtare.  

Sali Berisha ka refuzuar që të tregojë se për kë ka votuar në zgjedhjet e korrikut për kryetar të ri të PD.

"Top Secret", ka thënë Berisha.

Në garë ishin Lulzim Basha, Fatbardh Kadilli, Agron Shehaj dhe Edith Hardhi.

Sali Berisha është i vendosur që të marrë drejtimin e Partisë Demokratike, e madje nuk shikon as rival, duke shtuar se ai ka një mbështetje të gjerë. Megjithëse nuk ka asnjë garë, ende për kryetarin e PD-së, Berisha tha se rikthimet kanë qenë gjithmonë të suksesshme dhe as nuk e ka ndërmend që të largohet.

'Jam i vendosur nëse do anëtarësia e PD-së, por të jemi realistë, nëse rikthehemi pak këto dy muajt e fundit ju keni parë edhe në sondazhe edhe në salla dëshirën e madhe të shqiptarëve që unë të rikthehem. Cilido që mund të më kalojë është i mirëpritur, por të gjitha ata qindra njerëz më presin. Rikthimet kanë qenë gjithmonë sukses e të garantuara! Ç'të bëj unë të largohem? Jo!'- tha Berisha.

Një nga pyetjet që i është bërë Sali Berishës është marrëdhënia që do të ketë me SHBA. Ai vijon të këmbëngulë që kjo marrëdhënie do të jetë i mirë edhe pse Amerika e ka shpallur si "person të pa dëshiruar".  

"Nëse zgjidhem në krye të PD orientimi por perëndimorë, pro NATO dhe SHBA do të njohë një rritje të paparë , nuk lëvizë unë kurrë nga këto parime, vetë këto lëvizje, kushdo që lexon statutin është sanksionimi më i madh dhe më i fuqishëm i vlerave. Ambasadori më i nderuari, por s;kam pranuar kurrë një guvernator. Ato nuk kanë pranuar që të t'u diktojnë shqiptarëve se kush hyn në parlament apo jo, nuk kanë pranuar që përfaqësuesja e tyre të tregojë se kë të pranojnë dhe kë jo, nuk do të pranohet, do respektohet në shkallë maksimale si ambasador, por jo si guvernator, të merret me një sistem drejtësie që është në gjendje katastrofave, më thoni ju mua, në 2020 SPAK ka pasur 1/6 e ndjekjeve penale për korrupsion, do pranojnë shqiptarët një gjë të tillë", tha Berisha.

Nga selia e PD-së, Sali Berisha ka paralajmëruar për protesta për të rrëzuar nga pushteti Edi Ramën. Ai tha se 'revolucionin' nuk  ndal njeri.

“Protesta kombëtare ishte dhe është një opsion më datën 18, por problemi është se referendumi duhej bërë për shkak të festave që vijnë edhe shpëtojnë, domethënë Edvin Kristaq Ramën e shpëtoi refedendimi i “peng Bashës” se do kishte pasur gjithë Shqipërinë në Tiranë por do vijë shumë shpejt se revolcionin nuk e ndal dot kush. Asnjë inident mes demokratëve nuk ka e s’mund të ketë", tha Berisha. 

Sali Berisha  ka zbuluar vendimet e marra në mbledhjen e sotme në Komisionit të Rithemelimit të PD në selinë blu, teksa tha se në këtë parti të riorganizuar, ka vend edhe për Lulzim Bashën dhe Gazment Bardhin.

" Ngriti Komisionet që do japë udhëzimet për votimin, për organizimin e referendumit, vendosi të ndajë të deleguarit që do bashkëpunojë me degët për referendumit. Që të dy janë dhe do të mbeten deputet i PD, unë e di që Basha ka probleme të mëdha me drejtësisë, shqiptare dhe belge, por gjersa të provohet fajësia në gjykatë, neni universal i prezumimit të pafajësisë", tha Berisha.

Sali Berisha ka akuzuar Lulzim Bashën se i ka mbledhur kartat anëtarësisë së PD-së dhe nuk ua kthen më, në mënyrë që të mos votojnë shkarkimin e tij.

"Kjo javë revolucioni ka për detyrë kryesore referendumin e anëtarësisë për ratifikimin e vendimit të Kuvendit të partisë të shkarkimit të Bashës. Një komision u miratua sot këtu për të drejtuar referendumin. Bazuar në punë e shkëlqye që bëri Komisioni i Drejtimit të Kuvendit, po atij komisioni iu besua drejtimi i referendumit. Do bëjmë gjithçka që të afrojmë sa më shumë kutitë e votimit me anëtarësinë. Ju informoj se ish-kryetari Basha ka kryer akte në PD që ngjiten në nivelin e krimit elektoral. Konkretisht ka informuar anëtarësinë në votimin e fundit që të paraqiten me karta. I ka mbledhur kartat e nuk ua ka kthyer kartat e anëtarësisë, është plaçkitje, është akt që ngjitet në nivelin e krimit elektoral", tha Berisha.

Sali Berisha ka zhvendosur 'Foltoren' në selinë blu, ku ka mbajtur fjalimin pas mbledhjes së zhvilluar me Komisionin e Rithemelimit në PD. Ai ka pasur një ftesë për deputetët demokrat që t'i bashkohen.

" Nga të gjitha konferencat e shtypit të karrierës sime 31 vjeçare, miu garantoj s ekjo konferencë është më e veçanta, kjo konferencë mbahet sot pas Kuvendit kombëtar të Rithemelimit të PD, ngjarje kjo absolutisht unike, si monument lirie. Jehona e këtij kuvendi, siç ishte unik në llojin e tij është e jashtëzakonshme në çdo votw dhe zemër, ndjej keqardhje që sot jeni të gjithë në këmbë, por domethënia e këtij qëndrimi është e madhe, nga një anë keni njeriu që grumbulloi karriget në zyrën e tij, i çmendur me pasionin e karrigeve, çdo karrige të thyer t'ia sillni njeriun e pasionit, që s'punon për karrige por punon për liritë e demokratëve dhe shqiptarëve. Në mbledhjen që sapo përfundoi, u dërgova në mbështetje të përzemërt të gjihë demokratëve dhe nëpërmjet jush përcjell një thirrje të pwrzemwrt e miqësore, ndaj çdo demokrati që ende nuk ka vendosur të bashkohet me PD e rithemeluar është i mirëpritur dhe krah hapur, ju e ndoqët vetë Kuvendin, a kam të drejtë unë t'u them të gjithë deputetëve të PD se nëse do ishit në Kuvend, ju për herë të parë do mund të që shprehnit lirisht mendimet, opinionet dhe propozimet, pra ishte një rast i humbur, por megjithatë, unë jam nga ato që them më mirë vonë se kurrë, unë u ktheva me vonesë, ndaj për ata nuk është vonë", tha Berisha.

Teksa ish-kryeministri Sali Berisha ndodhet në selinë blu, kryedemokrati Lulzim Basha vijon mbledhjen me Kryesinë. Në pamjet e siguruara nga Report Tv, shihet kryedemokrati Basha i cili i mban sytë në telefon. Aktualisht Berisha po mban një fjalim pas mbledhjes që zhvilloi me anëtarët e Komisionit të Rithemelimit.

Ka zgjatur vetëm pak minuta mbledhja e Sali Berishës me Komisionin e Rithemelimit në selinë  e PD. Nuk dihet se çfarë u diskutua në këtë mbledhje, ndërsa anëtarët e Komisionit kanë lënë ambiente e zyrës në selinë e PD ku u zhvillua mbledhja.

Sali Berisha ka shkuar ditën e sotme në selinë blu. Ai tha se ka mbërritur në seli si anëtarët i Komisionit të Rithemelimit të PD-së, të ngritur në Kuvendin e 11 dhjetorit, të cilët janë Agron Shehaj, Albana Vokshi, Aldo Bumçi, Arben Ristani., Belind Këlliçi, Blendi Himçi, Bujar Nishani, Çlirim Gjata, Edith Harxhi, Edi Paloka, Edmond Spaho, Eno Bozdo, Ervin Minarolli, Evi Kokalari, Flamur Noka, Genc Deromemaj, Genc Pollo, Gent Strazimiri, Rigels Muçollari, Ivi Kaso, Keltis Kruja, Klevis Balliu, Ledina Mandija, Luan Baçi, Lorenc Luka, Mimoza Hajdarmataj, Oerd Bylykbashi, Sali Berisha dhe Tritan Shehu.

Mbërritja e Sali Berishës në selinë e PD, në një kohë kur vetëm pak metra larg tij Lulzim Basha po zhvillon mbledhje me Kryesinë, ka tensionuar jo pak situatën në partinë më të madhe opozitare në vend. Në hollin e selisë shihet një prani e e shtuar mbështetësish të liderit dhe ish-liderit të PD.

Një moment tensioni është regjistruar në seli, ku një nga mbështetëset e Lulzim Bashës, thërriste me të madhe "Basha", teksa ka ngritur zëri dhe akuza se i kanë bërë presion. Atë është përpjekur që ta qetësoj aktori Julian Deda, mbështetës i Berishës.

Demokratja: Ca i bëra unë, të ma thonë, s'po bëj asnjë skandal, as s'po gjuaj, as s'po shaj, më bënë presion, nuk i kam asnjë faj askujt, kam ardhur për punën time, kush ka punë personale me mua le të vij. Unë nuk i kam asnjë faj askujt, më thanë do të tërheqim zvarrë, le të vinë këtu, nuk i kam frikë.

Jul Deda: Hajde me mua, unë jam me ty

Demokratja: Jo mor burrë ti s'je me mua

Mbërritja e Sali Berishës në selinë e PD ka tensionuar në maksimum tensionet brenda kësaj partie, por për mbështetësin e ish-kryedemokratit, Lisandër Hoxhën, ajo që ata po bëjnë është diçka krejtësisht normale. Për Report TV, Hoxha u shpreh se ata u futën në partinë  e tyre duke theksuar se do të bëjnë çdo gjë për t'i kthyer legjitimitetin PD.

"Ka një mbledhje të deputetit Basha, ne nuk e dimë me kë është mbledhur. Nuk ka asnëj lloj tensionimi, është çdo gjë normale. Ky është moment feste për demokratët ndaj ne po mblidhemi të gëzuar, nuk është matje forcash, matjen e forcave e kishim institucionale me 11 dhjetor. Ne jemi në partinë tonë dhe nuk po bëjmë asgjë të keqe veç se po e ngremë, po e rithemelojmë. Ne nuk mund të imagjinojmë çfarë do bëjë Basha, ne do bëjmë gjithçka për ta kthyer PD në legjitimitet", tha ai.

Sali Berisha i ka shkuar në seli, teksa Lulzim Basha ka vijuar mbledhjen e tij për raportimin e Grupit të Punës për zgjedhjet në FRPD. Vetëm një korridor i ndan Bashën nga Berisha.

Sali Berisha nuk ka kursyer edhe ironinë për Lulzim Bashën, teksa i shkoi në seli. Kjo pasi Berisha, nuk gjeti asnjë karrige në zyrë.

Çmenduria e peng Bashës, ka kufij vetëm qiellin, e i ka marrë të gjitha karriget në zyrën e tij, se nuk i mjafton e vetja.