Teksa nuk i mjaftoi shpura me deputetë të opozitës që kishte marrë pas për mbrojtje dhe intimidim të dukshëm psikologjik ndaj trupës gjykuese, deputeti demokrat Ervin Salianji, nuk u kursye aspak edhe vetë pasi doli nga seanca, duke sulmuar hapur Drejtësinë për dënimin që i kishte dhënë në shkallën e parë dhe qartazi duke i bërë presion para vendimit Gjykatës së Apelit Tiranë, e që do jepet më 26 Shtator.
Ligjvënësi i PD dha prononcim sot (20 Shtator) pas daljes nga Gjykata, ku u dëgjuan konkluzionet e palëve, para se të shpallet vendimi. Seanca u shty (26 Shtator, në orën 13:00), për shkak të dosjes voluminoze.
Salianji teksa mbrojti pafajësinë e tij dhe se ishte dënuar padrejtësisht me mungesë provash dhe se s’kishte bërë as kallëzim të rremë, as krim dhe as çështje penale.
Ai deklaroi se do e ndiqtë çështjen edhe më tej, se “do e demontonte”. Salianji u shpreh se do bënte edhe kallëzim në SPAK për këtë dosje, ndaj gjyqtarit Artan Gjermeni që dha vendimin në shkallën e parë dhe që e quajti “shërbëtor të bandës së Lushnjës”, ndaj Fatmir Xhafës që sipas tij e zë ligji Antimafia, pasi ka vëllanë e dënuar për drogë në Itali dhe të gjithë të tjerëve.
“Do depozitojmë kallëzim për këtë çështje, për Fatmir Xhafën si subjekt i Ligjit Antimafia, për gjyqtarin e çështjes dhe të tjerët. Fatmir Xhafa nuk po hetohet. Çfarë e pengon të SPAK që të hetojë Fatmir Xhafën, që ka vëllanë të dënuar për drogë në Itali. Apo e pengojnë kullat e ndërtuara dhe aksionet në një prej bankave të nivelit të dytë. Do i denoncojmë të gjitha, se i kemi. Do t’i demontoj në çdo lloj forme”, tha Salianji.
Pyetjes së gazetarëve nëse ka frikë nga dënimi, deputeti i PD iu përgjigj se “nuk kam frik askënd, përveç Zotit”. Teksa sfidoi drejtësinë se nëse jepte vetëm një provë apo dokument se ai ka bërë kallëzim të rremë, do përballej me ta. Salianji këmbënguli se nuk i njeh as Alfred Alizotin dhe as Albert Veliun, e thirrur Babalja. Gjithashtu pretendoi për “dënim të falsifikuar ndaj tij”, pasi nuk ekzistonte asnjë provë dhe për më tepër se nuk po hetohej e gjykohej nga SPAK, por nga Prokuroria dhe Gjykata e Tiranës.
Salianji tha se audio-përgjimi është bërë në Janar, kurse prokurori e solli në 24 tetor, teksa shprehu dyshime edhe për ekspertimin e zërit të Geron Xhafës.
“Unë kam denoncuar një trafikant droge, dhe do vijoj të denoncoj publikisht sepse ky është qëllimi im, të rrëzoj qeverinë. Pasi e denoncova, ai shkoi me këmbët e tij u dorëzua në Romë, në burg”, tha ai.
Gjithashtu sulmoi edhe avokatin e Xhafës, Ardian Vishaj, duke kujtuar se dikur kur punonte te Marrëdhëniet me Jashtë në Prokurori të Përgjithshme e mbrojti nga dënimi i Italisë, kurse tani e mbron nga audio-përgjimi, teksa i kujtoi edhe “çështjet që mbron për qeveritarët socialistë apo ministrat e akuzuar”.
Ai nuk kurseu as drejtësinë dhe Prokurorinë, teksa i quajti bashkë me të tjerët si "kalësira morale".
“Avokati i palës nxjerr termin babale. Këta e kanë babalizuar Shqipërinë me drogë. Alizoti paguhej nga drejtorët e policisë, ka dalë në përgjime. Prokurori nuk dha asnjë provë. Sot një tjetër damkë nga i dënuari për drogë. Unë në gjyq se kam dëmtuar reputacionin e një trafikanti droge, tha prokuroria. Unë këtë punë kam, se jam interesit publik për rrëzimin e qeverisë dhe do ta bëj prapë.
Këta janë kalbësira morale, që për para shesin gjithçka dhe për interes publik bëjnë gjithçka. Ose janë të paaftë, ose siç duket institucionet e drejtësisë kanë bërë gjueti për të mbyllur gojën. Vendim i falsifikuar dhe i fshehtë. Gjermeni del përgjimet e Prokurorisë së Torinos si shërbëtor i Enver Dondollakut e Aldo Bares , të Bandës së Lushnjës. S’kam frikë nga asgjë përveç Zotit. Frikën s’e njoh, krimi i vetëm se denoncova vëllanë e ish-ministrit për drogë”, tha deputeti.
Lajmi kryesor:
Dosja 'Babale'! Pamjet e turpshme, Salianji në Apel me grup deputetësh demokratë presion gjyqtarëve para vendimit! Prokurori kërkon 1 vit burg, avokatët pafajësi! Gjykata vendos më 26 shtator
Lajme të tjera
-
Debate në FRONTLINE/ Muça përplaset me Burimin: Ju ka marrë ferra uratën, mos po kërcënon? Nuk jam i rrjedhur! Nurja: dënim i rëndë Hoxha: Do vinte një ditë
26 Shtator, 21:57 -
Debati për dënimin e Salianjit në FRONTLINE/ Dhuli: Deputetët e PD jam i bindur se do hyjnë në grevë urie!
26 Shtator, 21:29 -
Ylli Pata: Babalja, odiseja pesë vjeçare e një fake news-i që u publikua pa e raportuar
26 Shtator, 19:52
-
EDITORIAL/ Pas Salianjit, drejtësia do të vijë edhe për të gjithë ushtrinë e shpifësve të tjerë që kanë firmosur kallëzimet e rreme për SPAK
26 Shtator, 19:44 -
Mero Baze: Salianji duhet të zhgënjehet nga Berisha, jo nga gjyqtarët
26 Shtator, 19:40
-
Dënimi nga Apeli me 1 vit burg, Berisha mbron Salianjin dhe akuzon Ramën: Po kërkohet asgjësimi i opozitës, për të marrë mandatin e katërt!
26 Shtator, 19:30 -
Dënimi i Salianjit, analisti Meçe për Report Tv: Në emër të tij, Berisha do zbatojë planin për mbrojtjen e vetes! Banushi: Grupi i PD presion gjykatës
26 Shtator, 19:15 -
Dy gjyqtaret e Apelit që dënuan me 1 vit burg Ervin Salianjin, i dhanë Berishës vulën e partisë! Rrëzohet alibia e PD dhe deputetit fajtor për kallëzim të rremë
26 Shtator, 18:48 -
Spahiu: Çudi që Salianji burgoset për shpifje, Berisha për masakrën në Bulevard dhe Gërdec ende i lirë
26 Shtator, 18:30 -
Ilirjan Blloshmi: I miri Agim, Zoti ta dëgjoi fjalën, Ervin Salianji është dënuar! Ti nuk jetove ta shikoje rrënimin e një maskarai të veshur me kostum!
26 Shtator, 18:13 -
Do vuajë 1 vit burg! Salianji nuk pendohet për dosjen 'Babale': 1 mijë herë do ta beja prapë denoncimin! Në luftë ka dhe sakrifica
26 Shtator, 18:10 -
Spahiu: Drejtësia penale duhej të fillonte djathtas me dënimin e Berishës dhe Metës, jo me Salianjin
26 Shtator, 17:32
