POP 5

Lajmet më të lexuara të 5 minutave të fundit

Politikë

Salianji dorëzon amendamentin për amnistinë penale: Përjashtim deputetëve apo zyrtarëve, të hiqet çdo lidhje me procesin tim

Një amendament në amnistinë penale i propozuar nga deputeti Ferdinand Xhaferri, i cili kërkon që çdo person të dënuar me 2 vjet burg nga shkalla e parë e nuk është dhënë ende një vendim nga apeli të falet, u quajt si një tentativë për të shpëtuar deputetin Salianji. Ky i fundit ka dalë sot për një njoftuar një tjetër amendament që i përjashton deputetët nga ky përfitim, për të hequr sipas tij çdo lidhje me të.

Deputeti demokrat, Ervin Salianji ka dorëzuar në Kuvend propozimin e tij sa i takon projektligjit për “Dhënien e Amnistisë” për rreth 600 të dënuar, mes tyre 14 gra dhe 10 të mitur.

Ndryshe nga deputeti Ferdinand Xhaferraj i cili dorëzoi në Kuvend një amendament ku kërkohet amnistimi i çdo personi që është dënuar me 2 vjet nga shkalla e parë dhe nuk është dhënë ende një vendim i formës së prerë nga gjykata e Apelit, Salianji  propozon që nga ky amendament të përjashtohen deputetët apo ish-deputetët.

"Dua të theksoj se unë nuk hyj tek ata që cënojnë dinjitetin, nuk bëj asnjë kompromis me asnjë nga akuzat, bandit, kriminel mafioz që është përfshirë në trafik droge. Jam i vetmi politikan që gjykohem në gjykatë për shkak të një denoncimi në interes publik”, u shpreh Salianji gjatë deklaratës së tij nga kryesia e Kuvendit. 

Në këtë mënyrë, Salianji hedh poshtë aludimet se kërkon të përfshijë veten e tij në projektligjin për amnisti për shkak të dënimit të tij me 1 vit burg nën akuzën e kallëzimit të rremë kryer në bashkëpunim sa i takon inskenimit të audio-përgjimit me qëllim përfshirjen e vëllait të ish-ministrit të Brendshëm Fatmir Xhafaj në trafikun e drogës.

Amendamenti i propozuar nga Ervin Salianji

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Shembet çatia në Maltë, plagosen rëndë dy punëtorë shqiptarë

Shembet çatia në Maltë, plagosen rëndë dy punëtorë shqiptarë

27 Prill, 07:47