Stenda e Sallamerisë FIX PRO ka qenë një prej më të viztuarave në panairin e hotelerisë të hapur mbrëmjen e së enjtes në Pallatin e Kongreseve.
 
Kompania ushtron aktivitetin e saj që prej vitit 2003, fillimisht në drejtim të shpërndarjes së produkteve në tregun rajonal dhe më pas në atë kombëtar.
 
Menaxherja e cilësisë Suela Lulollari thotë se sot Sallameri “FIK PRO” sh.p.k. është ndër më të mirat duke konkurruar në treg me, teknologjinë, llojshmërinë, cilësinë dhe shijen e saj që e diferencon nga të tjerat.

''Gjendemi në treg me produkte cilësore, me teknologji të re, me çmime konkuruese, me shumllojshmëri produktesh. Kjo gjë është bërë e mundur nga një eksperiencë e gjatë e administratorit që prej vitit 1992. Ai është marrë me erëzat, me produktet e përpunimit të mishit, dhe ka krijuar një gamë të gjerë produktesh. Ajo çfarë na bën të ndryshëm, janë recetat, që janë unike. Ajo sjellin një shije të veçantë për konsumatorin. Teknologjia është e standarteve europiane. Në fabrikën tonë, rregulli kryesor me të cilin ne punojmë është se me kualitetin nuk mund të bëhet kompromis'',-u shpreh Lulollari. 

Gama e madhe e shijeve të veçanta dhe unike të sallamrave, salçiçeve, proshutave dhe produkteve të tjera shtrihen nga tradicionalja, deri te shijet më moderne që kërkon tregu i sotëm.

Njëherësh nuk mungojnë as paketimet e shumta të gatshme të përshtshme pëer tregun hotelerisë.

''Natyra e këtyre produkteve varion nga llojet e sallameve, që janë produkte nga më tradicionalet. Janë produktet që futen në grupin e proshutave. Gjithashtu kemi edhe produkte të gatshme për t'u konsumuar. Janë produkte që mund të përdoren lehtësisht nga restorantet'',-vijoi më tej Lulollari. 
 
Qendra e firmës është në qytetin e Korçës, me degë të saj në Tiranë dhe Fier, por prezenca e produkteve FIX është në të gjitha qytetet kryesore të vendit.

Redaksia Online
XH.K/Shqiptarja.com