POP 5

Lajmet më të lexuara të 5 minutave të fundit

Politikë

Samiti i Berlinit jehonë në mediat botërore

Samiti i Berlinit i thirrur nga Kancelarja gjermane Merkel dhe Presidenti francez Emmanuel Macron, me pjesëmarrjen e udhëheqësve të vendeve të Ballkanit si dhe përfaqësueses së lartë të BE-së për Politika e Jashtme, Federica Mogherini, ka bërë jehonë në mediat botërore.

Samiti i Berlinit i thirrur nga Kancelarja gjermane Merkel dhe Presidenti francez Emmanuel Macron, me pjesëmarrjen e udhëheqësve të Serbisë, Kosovës, Malit të Zi, Shqipërisë, Maqedonisë Veriore, Kroacisë, Sllovenisë dhe Bosnje-Hercegovinës, si dhe përfaqësueses së lartë të BE-së për Politika e jashtme, Federica Mogherini, ka bërë jehonë në mediat botërore.

Gazeta prestigjoze italiane “Corriere della sera” i ka kushtuar një shkrim të gjatë Samitit të Berlinit mbi të ardhmen e Ballkanit. Sipas korespondentit të gazetës, Paolo Valentino,  “takimi i nivelit të lartë për Ballkanin Perëndimor në Berlin, ka shërbyer për të hapur një dialog të përgjithshëm për të shmangur destabilizimin e një rajoni që kurrë nuk u çlirua nga konfliktet endemike dhe potencialisht shpërthyese”.

Sipas gazetës italiane, tema më e nxehtë e diskutimeve ishte kriza në marrëdhëniet mes Serbisë dhe Kosovës. Në samit gjithashtu e diskutueshme ka qënë ideja e mbështetur nga dy presidentët, Aleksandër Vuçiç dhe Hashim Thaçi për shkëmbimin e territoreve përgjatë vijave etnike, ide për të cilën, po sipas gazetës, Mogerini është shprehur e hapur dhe mbështetet nga SHBA. Por ideja e dy presidentëve kundërshtohet nga Gjermania dhe Franca. Sipas gazetës, për Kancelaren Merkel “Çdo ndryshim i kufijve do të sjell destabilizim të ri në të gjithë zonën e Ballkanit”.

Për prestigjozen EuroNews, pikat kyçe të bisedimeve ishin mbështetja e pavarësisë së Kosovës, tarifat e larta reciproke, si dhe sugjerimet kontradiktore të shkëmbimit të territoreve ndërmjet dy vendeve. Merkel dhe Macron reduktuan pritjet e rezultateve konkrete, duke thënë se “forumi është në interesin e vendeve ballkanike dhe Europës për të siguruar stabilitet në rajon”./Përgatiti Ilir Çuçi

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    18 Nëntor, 08:54

    Besoni se buxheti 2025 do ndikojë pozitivisht në të ardhurat e qytetarëve?

Lajme të tjera



×

Lajmi i fundit

Tenis/ Sinner mposht Fritz dhe triumfon në finalet e ATP së Torinos

Tenis/ Sinner mposht Fritz dhe triumfon në finalet e ATP së Torinos

18 Nëntor, 10:08