POP 5

Lajmet më të lexuara të 5 minutave të fundit

Bota

Samiti i Davosit, Macron: Të kemi një Evropë më sovrane! BE të investojë për inovacionin e AI! Zelensky: Po humbëm luftën, Rusia konflikt me NATO-n

Në samitin e Davosit presidenti fracez Macron i bëri thirrje BE që të investojë më shumë për zhvillimin industrial dhe inteligjencën artificiale si dhe duhet t’I kushtohet vëmendje krijimit të vendev të reja të punës të mirëpaguara. Ndërsa presidenti ukrainas Zelensky tha se përballja me agresionin rus po vihet në rrezik nese vonohen më tej fondet mbështetëse nga perëndimi.

Presidenti francez Emmanuel Macron nga Forumi Ekonomik Botëror i Davosit nxiti rritjen e investimeve evropiane në teknologjitë e avancuara dhe zinxhirët kritikë të furnizimit, në mënyrë që të ecet me të njëjtin ritëm me Shtetet e Bashkuara te Amerikës dhe Kinën. Macron tha se do të donte të shihte një Evropë më sovrane, por sipas tij kjo nuk do të thotë të prishen lidhjet dhe aleancat mes vendeve.

“Kjo do të thotë të mos jesh shumë i varur në disa sektorë të zinxhirëve të vlerave”, tha ai.

Më tej tha se BE duhet të kanalizojë më shumë investime për inovacionin dhe zhvillimin industrial, përfshirë inteligjencën artificiale, kompanitë miqësore me mjedisin etj. Macron bëri thirrje për krijimin e një sindikate të tregjeve të kapitalit, i cili do të reduktonte pengesat burokratike midis shteteve të BE-së, në mënyrë që t’u jepte kompanive më shumë mundësi për të mbledhur para.

“Ne duhet të krijojmë më shumë vende pune dhe të mirë paguara”, tha Macron.

Pjesëmarrësve në samitin e Davosit iu drejtua edhe presidenti ukrainas Volodymyr Zelensky, i cili vuri theksin se lufta për të përballuar agresionin rus po rrezikohet nese do vonojë mbështetja e perëndimit me fonde.

“Do të ketë një krizë të madhe për të gjithë Evropën. Ukraina do të vazhdonte të luftonte, por pa ndihmën financiare, Rusia do të ishte në gjendje të pushtonte Ukrainën. Dhe sapo të kenë pushtuar Ukrainën, do të jetë një luftë midis NATO-s dhe Rusisë. Në rast të një disfate të Ukrainës, Evropa jo vetëm që do të kërcënohej nga flukse të reja refugjatësh, por do të ndaloheshin edhe furnizimet me drithë dhe energji elektrike”

Ukraina ka përballuar luftën dy vite me mbështetjen perëndimore, ndihmë që sipas përllogaritjeve ka arritur në 240 miliardë euro. Por fondet shtesë janë bllokuar në SHBA, mbështetësi më i rëndësishëm, për shkak të një mosmarrëveshjeje politike të brendshme. Po ashtu BE nuk arriti të miratojë fondet e ndihmës për Ukrainën me vlerë 50 miliardë euro gjatë katër viteve të ardhshme për shkak të vetos së Hungarisë.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

'McGonigalët kujtojmë se jemi popull pulash', Meta: Nëse një ambasador del kundër dekretit të Begajt, unë i pari mbledh njerëz para ambasadës

'McGonigalët kujtojmë se jemi popull pulash', Meta: Nëse një ambasador del kundër dekretit të Begajt, unë i pari mbledh njerëz para ambasadës

27 Prill, 11:58