'Sanremo' u beson stilistëve shqiptarë veshjen e Georgina Rodriguez dhe Alketa Vejsiut (FOTO)

'Sanremo' u beson stilistëve shqiptarë veshjen e Georgina Rodriguez  dhe Alketa Vejsiut (FOTO)

Georgina dhe Alketa

Nata e tretë e “Sanremo 2020” me yllin Georgina Rodriguez dhe prezantuesen shqiptare Alketa Vejsiu ishte një ndër më të bukurat dhe emocionueset.

Shumë nuk u fokusuan vetëm tek perfomanca apo prezantimi i dy vajzave, por edhe tek veshja  e tyre e kuruar në detaje.

“Sanremo” ia besoi stilistëve shqiptarë veshjen e dy prezantuesve të natës.

Fustani i kuq i Alketës u dizenjua nga stilisti Valdrin Sahiti, kurse fustanet e dyta të Georginës u përgatitën nga shqiptarja Lia Stublla.

Alketa si fustan të parë zgjodhi markën e famshme “Dolce and Gabbana”.

Një fustan i derdhur i gjatë deri në fund të këmbëve ngjyrë rozë me kristale në brez.

Gjithashtu edhe bizhuteritë e plotësonin veshjen e mrekullueshme të saj.

Në daljen e saj të dytë, Alketa Veshjen ia besoi një stilisti shqiptar, pikërisht Valdrin Sahitit.

Një fustan i kuq deri në fund të këmbëve me një dekolte të hapur, ku kombinohej më së miri me gjerdanin rreth qafës.

Përveç shqiptares,  edhe Georgina, partnerja e yllit të futbollit Cristiano Ronaldo shkëlqeu me tre veshjet e saj.

Si fustan të parë ajo preferoi copë të mbuluar e gjitha nga kristalet me një dekolte të hapur që i tregonte më së miri format perfekte trupore.

Si veshje të dytë ajo zgjodhi një fustan të bardhë bust me një të çarë deri sipër, të kombinuar me gjerdanin e mrekullueshëm.

Georgina dhuroi për publikun edhe një tango, ku kërceu si një profesioniste, edhe pse tha se ishte hera e parë që kërcente.

Ajo iu përshtat kërcimit me një fustan të zi të shkurtër dhe flokë të mbledhura.

Fustani i tretë i Georginës ishte shumë madhështor, përsëri ajo preferoi kristalet, vetëm kësaj rradhe ishin në ngjyrën e arit, ku ngjante si një sirenë e vërtetë.

Georgina dy veshjet e fundit ia besoi stilistes shqiptare Lia Stublla, një ndër më të kërkuarat në SHBA dhe kudo në botë.

Ora 16:35
'Sanremo' u beson stilistëve shqiptarë veshjen e Georgina Rodriguez dhe Alketa Vejsiut
3/18
Alketa Vejsiu dhe Amadeus
  • Komento

    KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

    • Sondazhi i ditës:

      Si do jenë ndryshimet në Kodin Zgjedhor që do bëjnë PS-Rithemelimi?



    ×

    Lajmi i fundit

    Një shesh në Tiranë do të mbajë emrin e Dr. Florit, ja ku ndodhet

    Një shesh në Tiranë do të mbajë emrin e Dr. Florit, ja ku ndodhet