Delegacioni i Shqipërisë në koordinim me deputetët e vendeve të Bashkimit të Evropian u larguan nga salla ku po mbahej mbledhja e 145-të e Asamblesë Parlamentare të Unionit Ndërparlamentar në Ruanda në momentin kur filloi fjalimin deputeti drejtues i delegacionit të Federatës Ruse, ky si një akt simbolik për dënimin e agresionit të Moskës në Ukrainë.
Asambleja e 145 e IPU-së, me pjesëmarrës deputetë nga 178 shtete ka bërë thirrje dhënien fund të luftës së Rusisë në Ukrainë dhe miratoi rezolutën me titull: Dënojmë pushtimin e Ukrainës dhe aneksimin e territoreve nga Federata e Rusisë, në mbrojtje të integritetit territorial të të gjitha shteteve. Dy deputetët shqiptarë Ervin Salianji dhe Florenc Spaho kanë qenë pjesë e delegacionit të Shqipërisë.
Në një postim në Facebook, Salianji shkruan se delegacioni i Shqipërisë ashtu sikurse pjesa dërrmuese e delegacioneve botërore mbështeti rezolutën emergjente ku dënohet agresioni ndaj Ukrainës.
“Kigali, Rwanda. Mbledhja e 145 e Asamblesë Parlamentare të Unionin Ndërparlamentar me pjesëmarrjen e deputetëve nga 178 shtete.
Lufta në Ukrainë dominoi diskutimet e Asamblesë ku pjesa dërrmuese e delegacioneve dënuan agresionin e paprovukuar rus ndaj Ukrainës!
Delegacioni i Shqipërisë si pjesa dërrmuese e delegacioneve botërore mbështetëm rezolutën emergjente ku dënohet agresioni ndaj Ukrainës. Asambleja e 145 e IPU-se ka bërë thirrje për t’i dhënë fund okupimit të Ukrainës nga Rusia dhe miratoi rezolutën me titull: Dënojme pushtimin e Ukrainës dhe aneksimin e territoreve nga Federata e Rusise, në mbrojtje të integritetit territorial të të gjitha shteteve.
Asambleja e fokusoi debatin tek rritja e autoritetit të parlamenteve në kontrollin e qeverive, mbrojta e statusit të deputetit, promovimi i të rinjve në politikë, foricimi i bashkëpunimit ndërparlamentar për të ndarë eksperiencat më të mira. Vëmëndje të rëndësishme morên rastet e ndalimit të hapësirave demokratike në parlamentet e vendeve autokratike! Çdo vend është nën monitorim për ruajtjen e standarteve të demokracisë!”, shkruan Slianji.
Çfarë është IPU?
Unioni Ndërparlamentar (IPU) është organizata ndërkombëtare e parlamenteve, që u krijua në vitin 1889. Si vatra e dialogut parlamentar në shkallë globale, Unioni punon për paqen dhe bashkëpunimin midis popujve dhe forcimin e demokracisë përfaqësuese, në bashkëpunim të ngushtë me OKB-në, me të cilën ai ndan të njëjtat objektiva. Gjithashtu ai kooperon edhe me organizatat parlamentare rajonale e ndërkombëtare, ndërqeveritare dhe joqeveritare, të cilat ndajnë të njëjtat qëllime. IPU financohet në përgjithësi nga vetë anëtarët e saj.
Selia e IPU-së ndodhet në Gjenevë. Asambleja e IPU-së mblidhet dy herë në vit, në pranverë dhe në vjeshtë, zakonisht në vende të ndryshme, me qëllim që pjesëmarrësit të kenë mundësinë të njihen me realitete të larmishme kombëtare.
Lajme të tjera
-
Kërcënimi nga Rusia/ Rilindje për 'Eurofighter', Evropa po blen avionë luftarakë miliarda dollarësh
24 Dhjetor, 22:05 -
Anija e sanksionuar ruse fundoset në Detin Mesdhe, 2 të zhdukur
24 Dhjetor, 15:12 -
Autoritetet e reja të Sirisë të hapura për hetimin e krimeve të Assadit
24 Dhjetor, 08:26 -
'Mirror': Shqipëria, parajsa evropiane tërësisht nën radarin e turistëve
24 Dhjetor, 07:51 -
Moti për sot/ Reshje shiu dhe dëbore në gjithë territorin
24 Dhjetor, 07:40 -
Lufta në Ukrainë/ Përplasje mes Bratislavës dhe Kievit, Zelensky: Fico dëshiron të ndihmojë Putinin
24 Dhjetor, 07:32 -
Seuli: Mbi 1000 koreanoveriorë të vrarë apo të plagosur duke luftuar për Rusinë
23 Dhjetor, 22:43 -
Protesta e opozitës, Ervin Salianji reagon nga qelia nr.6: Rama ka bllokuar jo vetëm rrugët e Tiranës, por edhe të Shqipërisë
23 Dhjetor, 19:15 -
Kremlini hedh poshtë raportimet se gruaja e Assadit ka kërkuar divorc
23 Dhjetor, 18:38 -
Shefi i NATO-s i shqetësuar për sigurinë afatgjate të aleancës
23 Dhjetor, 16:58 -
Seuli thotë se Koreja e Veriut po përgatitet të dërgojë më shumë trupa dhe armë në Rusi
23 Dhjetor, 13:05 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01
