Scholz kujton përgjegjësinë e Gjermanisë për Holokaustin

Kancelari gjerman, Olaf Scholz, ka përmendur përgjegjësinë historike të Gjermanisë për vrasjen e miliona hebrenjve në periudhën e nazizmit, teksa ky shtet përkujton viktimat.

“Vuajtjet e 6 milionë hebrenjve të vrarë pafajësisht janë të paharruara – ashtu sikurse vuajtjet e të mbijetuarve”, ka shkruar Scholz në Twitter.

LEXO EDHE:
Scholz thirrje për unitet në Vitin e Ri 2025: Emigrantët janë pjesë e suksesit të Gjermanisë

Në kuadër të përkujtimit të viktimave në Gjermani, e mbijetuara e Holokaustit, Rozette Kats pritet të flasë para Parlamentit gjerman.

Presidentja e Parlamentit gjerman, Bärbel Bas, do të hapë takimin e veçantë, në të cilin pritet të marrë pjesë edhe presidenti gjerman, Frank-Walter Steinmeier. Ceremonia përkujtimore e këtij viti fokusohet në njerëzit që janë persekutuar nga nazistët për shkak të orientimit të tyre seksual apo identitetit. Më 27 janar 1945, ushtarët e Ushtrisë së Kuqe kanë çliruar të mbijetuarit e kampit të koncentrimit Aushvic në Poloni. Nazistët kanë vrarë më shumë se 1 milion njerëz atje, kryesisht hebrenj.

Përveç vrasjeve në këtë kamp, gjenocidi i kryer kundër hebrenjve gjatë Luftës së Dytë Botërore, i njohur si Holokaust, ka rezultuar me vrasjen sistematike të rreth 6 milionë hebrenjve. Kjo datë, 27 janari, shënohet në Gjermani si Dita e Përkujtimit të Holokasutit, prej vitit 1996./ REL

TAG:
• Holokausti
• Olaf Scholz

Sondazhi i ditës:

Çfarë prisni në vitin 2025?

• Punë

  10.9%

• Shëndet

  67.7%

• Mirëqënia

  21.5%

Vota total: 2218

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia