POP 5

Lajmet më të lexuara të 5 minutave të fundit

Sociale

“S’do vdesim me zor!”, të pastrehët e tërmetit 5 vite në pritje të rindërtimit në Durrës

Nje grup banorësh protestuan para bashkisë së Durrësit, duke kërkuar të nisë sa më shpejt puna për riparimin e pallatit të tyre të dëmtuar nga termeti. Prej 5 vitesh ata janë me qira dhe nuk ka asnjë informacion se kur do hyjnë në shtëpitë e tyre.

Pa bonus qiraje prej më se 1 viti dhe pa asnjë plan zhvillimi për pallatin e tyre të dëmtuar nga tërmeti, një grup banorësh protestuan para bashkisë së Durrësit, duke kërkuar të nisin punimet për riforcimin e pallatit të tyre.

“Ka arritur kulmi, nuk po durojmë dot më. Jemi të sëmurë, jemi pensionistë, cfarë do të bëhet me pallatin tonë”.

“Bashkia nuk i është përmbajtur kontratës që ka bërë me ne. Në kontratën thuhej se ditën që hyjmë në shtëpi, ndërpritet bonusi”.

“Unë një pension 180 mijë lekë të burrit kam. Vetë jam e papunë, e sëmurë. Çfarë të bëj? Në datën 1 më erdhi qeraxhiu më kërkoi qiranë. Desha, s’desha i dhashë paratë. Po vetë me çfarë të ushqehem? Nuk vdesim dot me zor”.

Pallati ndodhet në lagjen nr 12 të Durrësit dhe është përfshirë në listën e 7 godinave që do të riparohen me fondet e bashkisë Durrës. Burime nga ky institucion thanë se “pritet vendimi nga Komisioni Shtetëror i Rindërtimit dhe më pas do të zhvillohen procedurat e tenderit për riforcimin e pallateve me dëme të shkallës DS4”. Në këtë pallat jetonin 65 familje, disa prej tyre qendrojnë në shtëpi me qira prej 5 vitesh, ndërsa të tjerë nuk kanë hezituar të rikthehen e të jetojnë mes rrezikut të një shembje të mundshme.

R.D/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Durres: 16/04/2024 19:21

    Ta shohin turistat ate pallat nuk i zene me gjumi. Shkojne e flejne ne plazhe

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kamberi: Nëse protestat 'shuhen', Vuçiç do e çojë Serbinë në diktaturë

Kamberi: Nëse protestat 'shuhen', Vuçiç do e çojë Serbinë në diktaturë

25 Dhjetor, 20:46