“S’e prisnim këtë rezultat”, zv/trajneri Tiranës pas fitores me Teutën! Martini për Report Tv: Ndeshjen e kthimit synojmë përmbysjen

Tirana mund të konsiderohet finalistja e parë e Kupës së Shqipërisë, pasi bardheblutë kampion në fuqi të Superligës kanë mposhtur 3-0 Teutën në gjysmëfinalen e parë. Golat në ‘Elbasan Arena’ u realizuan nga Hasani, Bruno Lulaj dhe Lushkja.

“Rezultatin nuk e prisnim, por lojën dhe përgjigjjen e ekipit e prisnim. Duke patur parasysh që përballë kishim një kundërshtar i cili në dy ndeshjet e fundit në kampionat na ka vendosur në shumë vështirësi,”-tha Artan Karapici, zv/trajner i Tiranës.

“Rezultati është shumë i keq, 3-0. Është një rezultat i pastër. Megjithatë në vazhdim kemi kampionatin me ndeshje shumë të rëndësishme dhe pastaj do mendojmë për Tiranën. Nuk kemi çfarë humbasim dhe do luajmë gjithçka për gjithçka. Futbolli i tillë është. Sot mund të humbësh këtu 3-0, por mund të fitosh në Durrës,”-deklaroi Edi Martini, trajner i Teutës.

LEXO EDHE:
Basketboll meshkuj/ Fillon faza play-off, Besëlidhja fiton ndaj Tiranës në ndeshjen e parë

Ndërkohë gjysmëfinalja tjetër në Shkodër mes Vllaznisë dhe Egnatias është mbyllur pa fitues, por me shifrat 1-1. Fillimisht në ‘Loro Boriçi’ realizuan miqtë me Dëamena-n, ndërsa për vendasit barazoi Hoxhaj në minutën e 95.

“Duhet të ndalojmë atë që na e realizon çdo kundërshtar, kundërsulmin. Egnatia ndërkohë është një super ekip dhe do na mbetet ta zgjidhim kualifikimin në ndeshjen e kthimit,”-u shpreh Goce Sedlovski, trajner i Vllaznisë.

“Si ndeshje e parë ne kishim zgjedhur të qëndronim pas për të pritur Shkodrën. U munduam të ndryshojmë skemat brenda lojës që sollën edhe golin e avantazhit në 0-1. Besoj se Egnatia dhe Shkodra megjithatë po shfaqin një futboll shumë të bukur,”-tha Edlir Tetova, trajner i Egnatias.

Gjysmëfinalet e kthimit të Kupës së Shqipërisë do të luhen me 11 maj.

Ne.k./r.k./Shqiptarja.com

TAG:
• edi martini
• artan karapici
• Vllaznia
• egnatia
• Teuta
• tirana
• kupa e shqiperise