POP 5

Lajmet më të lexuara të 5 minutave të fundit

Media

SEEMO: Media po nxit dhunën
etnike në Maqedoni, bëni kujdes

Organizata e mediave në Evropën Jugore dhe Lindore SEEMO, me qendër në Vjenë, i bëjnë thirrje medias të bëjë kujdes me situatën në Maqedoni. Nxitja e konfliktit etnik shkon kundër cdo kodi të etikës. Media ka pasur një rol shumë negativ në nxitjen e urrejtjes etnike në Ish- Jugosllavi.( ne foto nje nxenes shqiptare i dhunuar ne nje nga incidentet e ndodhura kohet e fundit ne Maqedoni)
SEEMO: Media po nxit dhunën<br />etnike në Maqedoni, bëni kujdes
VJENE- Organizata e mediave në Evropën Jugore dhe Lindore SEEMO, një rrjet i gazetarëve nga Evropa Juglindore me qendër në Vjenë i bëjnë thirrje medias të bëjë kujdes me situatën në Maqedoni.

Nëpërmjet një deklarate të bërë publike dje SEEMO shpreh shqetësimin në lidhje me rishfaqjet e fundit të incidenteve dhe etnike dhe rolit të medias. Sipas saj në në të dyja gjuhët si maqedonisht ashtu dhe në gjuhën shqipe, media insiston të vërë në dukje kontekstin etnik të agresorëve, duke përshkruar incidentet me “gjuhën e urrejtjes” Madje në disa raste, vëzhguesit kanë vënë re se situata ka dalë jashtë kontrollit, raporton organizata.

“SEEMO është një organizatë që mbron lirinë e medias dhe të gazetarëve. Por dua ti kujtoj të gjithë gazetarëve, që duhet të mbështeten në standardet profesionale të raportimit dhe të jenë të vetëdijshëm për përgjegjësinë e tyre. Nxitja e konfliktit etnik shkon kundër cdo kodi të etikës. Media ka pasur një rol shumë negativ në nxitjen e urrejtjes etnike në Ish- Jugosllavi dhe duhet të jemi shumë të kujdesshëm dhe të reagojmë ndaj shenjave të para të një gjuhe urrejtjeje” deklaroi sekretari i përgjithshëm i SEEMO, Oliver Vujovic.

SEEMO mbështet gjithashtu deklaratën e organizatës së gazetarëve të Maqedonisë, ZNM, të datës 10 mars 2012 e cila i bënte apel gazetarëve për më shumë përgjegjësi në raportimin e tyre. Deklarata i kujtonte se “gazetarët nuk duhet të pëdorin gjuhën e urrejtjes dhe nuk duhet të nxisin dhunën për asnjë arsye, kombëtare, fetare, gjinore, racore apo politike.

Organizata e mediave në Evropën Jugore dhe Lindore SEEMO, mbron lirinë e medias në Europën lindore, jugore, dhe qëndrore.
(sg/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Mos harroni çadrat! Reshje shiu dhe temperatura deri në 14 gradë

Mos harroni çadrat! Reshje shiu dhe temperatura deri në 14 gradë

28 Nëntor, 07:23