Sekretari i Jashtëm britanik i bën thirrje liderëve botërorë për parandalimin e konfliktit rajonal: Kjo është një situatë përçarëse dhe polarizuese

Sekretari i Jashtëm britanik, James Cleverly, gjatë fjalimit të tij në samitin e paqes në Kajro, u bëri thirrje liderëve botërorë që të bashkohen për të parandaluar përhapjen e mëtejshme të konfliktit Izrael-Hamas. Cleverly e përshkroi situatën si përçarëse dhe polarizuese. 

"Bota ka një detyrë të punojë së bashku për të parandaluar paqëndrueshmërinë që të përfshijë rajonin dhe të marrë akoma më shumë jetë", tha Cleverly.

LEXO EDHE:
Frikë për acarimin e gjendjes pas sulmit izraelit në Jemen

 

Cleverly u bëri thirrje liderëve botërorë të punojnë së bashku për të parandaluar që situata tragjike në Gaza të kthehet në një konflikt rajonal, sepse kjo është pikërisht ajo që Hamasi dëshiron.

Sekretari i Jashtëm kërkoi gjithashtu përmbajtje nga qeveria izraelite në një përpjekje për të ruajtur jetën e civilëve, raporton NewsSky

“Kam folur drejtpërdrejt me qeverinë izraelite për detyrën e tyre për të respektuar ligjin ndërkombëtar dhe rëndësinë e ruajtjes së jetëve të civilëve në Gaza. Pavarësisht rrethanave tepër të vështira, unë kam bërë thirrje për disiplinë, profesionalizëm dhe përmbajtje nga ushtria izraelite”, tha Cleverly 

Lajmi kryesor:

Lufta/ Mbi 4 mijë viktima në Gaza! Pas samitit të paqes Meloni në Tel Aviv, takim zyrtar me Netanyahun! Trupat izraelite përgatiten për betejë përgjatë kufirit libanez

S.S/Shqiptarja.com

TAG:
• lufta ne rripin e gazes
• sulmohet izraeli