Sekretari i Vatikanit vjen në Tiranë, e pret ministrja e Jashtme: Na lidh historia e heroit Skënderbeu! Folëm për dënimin e luftës në Ukrainë dhe bashkëjetesën fetare

Sekretari i Vatikanit për Marrëdhëniet me Shtetet dhe Organizatat Ndërkombëtare, Imzot Paul Richard Gallagher erdhi në Tiranë, ku u prit nga ministrja e Jashtme Olta Xhaçka. Në fjalën e saj për mediat, Xhacka tha se ka marrëdhënie historike mes Shqipërisë dhe Selisë së Shenjtë që shkon përtej atyre institucionale. 

Po ashtu u shpreh se folën për dënimin e luftës në Ukrainë dhe bashkëjetesën fetare.

“Me Vatikanin na lidh historia e Heroit tonë Kombëtar Gjergj Kastrioti Skënderbeu, na lidh e Shenjta Nënë Terezë, figura që bëjnë të ndihet krenar çdo shqiptar, pavarësisht përkatësisë fetare.  I shpreha Imzot Gallagher mirënjohjen tonë për shpalljen e Lumturimit të 38 martirëve në përfaqësim të Kishës Katolike shqiptare, si dhe krenarinë tonë për emërimin e Don Ernest Troshanit si Kardinal Nderi në Vatikan. Kjo është një shenjë e qartë vlerësimi jo vetëm për rezistencën e Kishës Katolike por edhe të besimtarëve katolikë dhe të mbarë popullit shqiptar.

LEXO EDHE:
“Jam i qetë dhe i vendosur”, Rama komenton në VOA punën e SPAK dhe rastin e Veliajt: Hetimi s’e bën fajtor! Gjyqet s’bëhen në media

Sigurisht folëm edhe për zhvillimet në rajon e më gjerë, për agresionin rus në Ukrainë dhe pasojat e tij dramatike jo vetëm për Ukrainën e popullin e saj heroik, por edhe për mbarë botën. I shpreha Imto Gallaghaer vlerësimin e Shqipërisë për qëndrimin e qartë e të guximshëm moral që Selia e Shenjtë dhe Ati i Shenjtë dhe rolit që ata kanë luajtur, duke dënuar luftën e duke bërë lëshuar mesazhe të forta në mbeshtetje të paqes.

Përurimi i Katedrales Katolike të Prishtinës me emrin e të Shenjtës Nënë Tereza, ishte një moment vërtet i bukur që dëshmoi jo vetëm vëmendjen e veçantë dhe në rritje të Selisë së Shenjtë ndaj Kosovës, por edhe diversitetin dhe tolerancën e Kosovës. Gjatë vizitës së tij historike në Shqipëri Papa Françesku u shpreh se Shqipëria është një vend i vëllazërisë fetare. Por bashkëjetesa fetare është një fakt historik i të gjithë shqiptarëve dhe ne ndihemi çdo ditë krenarë për këtë vlerë të kombit tonë”, tha ajo.

Po ashtu përmendi projektet e Selisë së Shenjtë dhe Kishës Katolike në vedin tonë që kanë rëndësi të madhe, sidomos në shërimin e sëmundjeve komplekse.

“Selia e Shenjtë dhe Kisha Katolike janë shumë aktivë në hapësirën shqiptare me një sërë iniciativash e projektesh në fushën e arsimit, kulturës, shëndetësisë, ndihmës sociale. Biseduam edhe për mundësinë  e marrëveshjes së bashkëpunimit me Spitalin Pediatrik “Bambin Gesù”, për trajtimin e rasteve urgjente dhe shërimin e sëmundjeve komplekse të fëmijëve shqiptarë”.

Sekretari i Vatikanit, Imzot Paul Richard Gallagher u shpreh se në takimin e tyre biseduan rreth marrëdhënieve dypalëshe dhe të ardhmen e Shqipërisë në BE.

“Diskutuam për marrëdhëniet tona bilaterale dhe kontributin që Kisha Katolike Shqiptare ka në shoqërinë tuaj në veçanti sa i përket fushave të shëndetësisë dhe arsimit. Për sa i përket të ardhmes europiane të Shqipërisë ne jemi të bindur që do vazhdojmë të japim ndihmesën tonë për unitetin e plotë të gjithë sferës europiane, duke patur parasysh edhe luftën në Ukrainë dhe ndikimet e saj në Rajon”, tha Gallagher.

TAG:
• olta xhaçka
• Imzot Paul Richard Gallagher
• Vatikan

Sondazhi i ditës:

Si ka qene per ju viti 2024?

• I mire

  43.7%

• I keq

  22.6%

• As i mire as i keq

  33.7%

Vota total: 1636

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq