Receta

Sekretet e Fërgesës në tavë dheu me mëlçi nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 13 Qershor, 12:18 | Përditesimi: 13 Qershor, 12:20

Tavë dheu me mëlçi

Përbërësit:

3 lgj gjizë
2-3 lgj vaj ulliri
300 gr mëlçi
300 ml lëng mishi me copëza
1 lgj piper i kuq
1 lgj miell misri
1 kokërr qepë
6 thelpinj hudhër
1 lgj salcë domate
1 lgj gjalpë
1 tufë majdanoz
Kripë, piper i zi
Piper djegës

Përgatitja:

LEXO EDHE:
Melomakarona, biskota me arra dhe mjaltë të sherbetosura nga zonja Albana

Mëlçitë pasi i kemi larë mirë i presim në kubikë të vegjël. Në një tenxhere vendosim pak mish viçi të ziejë për të përftuar buljonin. Në një tigan kaurdisim mëlçitë për pak minuta, më pas i largojmë mëlçitë dhe në po atë yndyrë kaurdisim një qepë të grirë imët. E ndihmojmë zbutjen e qepës me pak kripë dhe piper. Sapo qepa të bëhet transparente shtojmë lëngun e mishit dhe salcën e domates dhe e lemë në temperaturë të ulët për rreth 20 minuta. Në një enë tjetër tresim gjalpin dhe kaurdisim miellin e misrit derisa të marrë ngjyrë. Më pas shtojmë gjizën, piperin e kuq, piperin djegës dhe thelpinjtë e hudhrës. Vazhdojmë kaurdisjen duke e trazuar derisa masa të bëhet e njëtrajtshme. Gjizën e kaurdisur me miellin e shtojmë tek qepa së bashku me mëlçitë. E spërkasim gatimin me majdanoz të grirë dhe e lemë të marrë valë. Në momentin që yndyra do të dalë lartë do të thotë që është gati për t’a vendosur në furrë. Në furrën e nxehur kemi vendosur tavën e baltës. Hedhim tek tava e dheut fërgesën me mëlçi dhe e vendosim në furrë për rreth 20 minuta.

MC/Shqiptarja.com

TAG: