Gazetari i njohur italian Carlo Bollino (Karlo Bolino) pas pak ditësh do të publikojë librin e tij të parë në gjuhën shqipe.

Reklama është hedhur në qarkullim prej dy ditësh në tv dhe në rrjetet sociale. Libri, i shtypur nga Shtëpia botuese Toena titullohet “Heshtja e dyfishtë”, pritet të dalë së shpejti në treg, dhe tregon të gjithë sekretet dhe prapaskenat e projektit amerikan për të transferuar në Shqipëri arsenalin kimik të diktatorit sirian Bashar al-Assad dhe të negociatave të vështira me qeverinë shqiptare.

Eshtë një libër i mirëfilltë gazetaresk i modelit “instant-book” që aplikohet për herë të parë në Shqipëri.