KAVAJË- Një rast i rëndë abuzimi seksual, që ka zgjatur rreth 4 muaj, është zbuluar këtë të diel. Një 14-vjeçare ka denoncuar 12 bashkëmoshatarë të saj se e kanë detyruar të kryejë marrëdhënie seksuale në periudha të ndryshme kohore përmes shantazhit. Mbrëmjen e së shtunës, policia ka arrestuar 7 prej tyre.

14-vjeçarja, e shoqëruar nga prindërit, ka bërë kallëzim për 12 bashkëmoshatarët (14-17 vjec) më 29 janar në Komisariatin e Policisë Kavajë, ndërkohë që autoritetet e kanë ekzekutuar më datë 2 shkurt urdhrin e Prokurorisë pranë Gjykatës së Shkallës së Parë Durrës vetëm për 7 nga 8 për të cilët ishte caktuar masa e sigurisë "arrest me burg", pasi njëri prej tyre nuk është gjendur në banesë. Kësisoj, ky i fundit është shpallur në kërkim.

Vajza mësohet se në denoncimin e saj është shprehur se 12 djemtë e kanë kërcënuar përmes një videoje, ku shfaqej duke kryer marrëdhënie seksuale me të dashurin e saj bashkëmoshatar, se në rast se nuk pranonte të kryente marrëdhënie me to, materiali erotik do të përfundonte në duart e prindërve të saj.