TIRANE- Çdo mesmuaji, kur data shënonte “15” punonjësi i bashkisë së Tiranës  Kreshnik Kasaj, telefontote specialistit e hetimit të Drejtorisë së Tatim-Taksave Metjon Bijo (ne foto), të cilit i paguante shumën e parave që kishte mbledhur në biznese të ndryshme.

Një fakt i tillë është evidentuar në 15 prill 2015 ku sekseri Kreshnik Kasaj, ka telefonuar shtetasin Metjon Bijo, duke i kërkuar ta takojë. Nga hetimi kanë rezultuar dyshime se çdo mes muaji shtetasi Kreshnik Kasaj i dorëzon shtetasit Metjon Bijo “kuoten” mujore per “mbrojtjen” që ky i fundit i bën nga hetimi tatimor.

Kështu më datë 15.04.2015 shtetasi Kreshnik Kasaj ka shkuar në lokalin e administruar nga Metjon Bijo dhe i ka lënë kamarierit të lokalit shumën 99.000 lek, fakt i cili ka rezultuar dhe nga përgjimi telefonik. Më pas shtetasi Metjon Bijo ka shkuar në lokal dhe ka marrë shumën e lënë nga Kreshniku. Në këtë moment ka ndërhyrë policia gjyqësore e cila ka arrestuar në flagrancë shtetasin Metjon Bijo për vepren penale të “korrupsionit pasiv të personave që ushtrojnë funksione publike”.