POP 5

Lajmet më të lexuara të 5 minutave të fundit

Ekonomi

Sektori bankar/ Kreditimi u rrit me 37 milionë euro në muajin korrik, +4.5%

Në total, portofoli arriti vlerën e 557 miliardë lekëve, 4.5% më shumë krahasuar me korrikun e vitit të kaluar. Rritja e kredisë ka prekur normën më të lartë të rritjes vjetore në shtatë vitet e fundit.

Sektori bankar/ Kreditimi u rrit me 37 milionë euro në muajin korrik, +4.5%

Banka e Shqipërisë raporton se, gjatë muajit korrik, kredia bankare u zgjerua me afro 4.5 miliardë lekë ose 37 milionë euro. Në total, portofoli arriti vlerën e 557 miliardë lekëve, 4.5% më shumë krahasuar me korrikun e vitit të kaluar. Rritja e kredisë ka prekur normën më të lartë të rritjes vjetore në shtatë vitet e fundit.

Një ndikim pozitiv ka dhënë, ndër të tjera, ulja graduale e efektit kredive të fshira nga bilancet. Që nga viti 2015, bankat kanë nxjerrë jashtë bilanceve mbi 55 miliardë lekë kredi të humbura. Kjo ka ndikuar në uljen e raportit të kredive me probleme, por, nga ana tjetër, ndikoi në tkurrjen e portofolit total të kredisë.

Sipas BSH, kredia për bizneset private ka arritur në 330 miliardë lekë, në rritje vjetore me 2.6%. Huadhënia për sipërmarrjet përbën rreth 60% të portofolit total të kredisë dhe ka një rol përcaktues në rritjen e kreditimit të ekonomisë shqiptare. Ndërsa kredia për segmentin e individëve vazhdon prej vitesh të ndjekë një tendencë pozitive dhe ka arritur në afro 192 miliardë lekë, me rritje vjetore me 5.4%.

Banka e Shqipërisë është optimiste se rritja e kredisë për ekonominë do të vazhdojë edhe më tej gjatë këtij viti.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12