POP 5

Lajmet më të lexuara të 5 minutave të fundit

Kronikë

Sekuestrimi i një ton kokaine në Spanjë hetimet shtrihen edhe në Shqipëri

Pas kapjes së Julian Deblinit dhe Dritan Gradicës me 1 ton kokainë në Spanjë hetimet shtrihen edhe në Shqipëri.

Pas arrestimit të Julian Deblinit dhe Dritan Gradicës dy baronëve shqiptarë të kapur me 1 ton kokainë në Madrid të Spanjës , Policia e Shtetit në Shqipëri nis hetimet. Një burim policor i tha Report TV se autoritetet spanjolle kanë kërkuar të kryhen hetime paralele edhe në Shqipëri për të mësuar më shumë se çfarë përfaqësojnë Deblini dhe Gradica si dhe për bashkëpunëtorët e mundshëm.

Për momentin dihen pak detaje për Julian Deblinin dhe Dritan Gradicën me origjinë nga Hasi dhe Tropoja. Rezulton se ata nuk kanë patur më parë dënime kriminale në Shqipëri apo biznese të regjistruar me emrat e tyre. “Policia shqiptare ka qenë në dijeni të operacionit pasi oficeri shqiptarë i ndërlidhjes në Europol ishte pjesë e operacionit koordinuar nga policia europianë në bashkëpunim me atë spanjolle dhe DEA-n” tha burimi policor.

Siç shihet edhe nga pamjet e operacionit publikuar nga policia spanjolle, Julian Deblini dhe Dritan Gradica arrestohen në ambientet e jashtme të një hoteli nga oficerët e antidrogës veshur civil.

Hetime janë duke u zhvilluar edhe në Kolumbi të cilat udhëhiqen nga zyra e Prokurorit të Përgjithshëm për të zbuluar se si dy shqiptarët kishin arritur të kryenin transportin e kokainës përmes avionëve charter.

Policia spanjolle dhe Europol që arrestuan këtë grup kriminal besojnë se Julian Deblini dhe Dritan Gradica kishin mundur të rekrutonin për llogari të tyre zyrtarë dhe punonjës të një aeroporti në Kolumbi për tja lehtësuar kalimin e kokainës. Po ashtu hetimet intensive synojnë të zbulojnë personat të cilin me valixhe të mbushura me kokainë hynin në aeroport e më pas i drejtoheshin avionëve charter drejt Spanjës.

I gjithë operacioni për arrestimin e këtij grupi kriminal është drejtuar nga Njësia Speciale kundra narkotikëve pranë prokurorisë së Spanjës me bashkëpunimin ndërkombëtar të DEAs amerikane. Ndërsa EUROPOL pati rol koordinues.

Ndërhyrja finale për arrestimin e bosëve shqiptarë të këtij grupi erdhi momentin kur ata mbërritën në një hotel në Madrid duke mundësuar kapjen e 1 ton kokainë dhe 1.5 milion euro gati për transportuar si pagesë për kartelin kolumbian.

 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fahri Spiuni: 02/05/2018 14:19

    Ed Rama e ka porositur kokainen.oLulush vrap komision hetimor per porosine e kokaines,kryetar te jete Nul Noka me Strazon antare Petrit Vasillaçis dhe ne fund Mona buqen,qe ky komision te eci mbare.

    Përgjigju
  • user 1: 02/05/2018 13:33

    Hahahahah shum e vertete po ksaj here gjynah kan ngel pa gja puntoret e shkrete

    Përgjigju
  • Bahri Falliu: 02/05/2018 13:06

    ktu edhe puntoret e ngarkim shkarkimit behen boss-a

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Kushtetuesja tha garantohet 'vota parapëlyese në 2/3 e listës, shifrat e sondazhit: Mbi 80% e ligjvënësve zgjidhen nga krerët e partive

Kushtetuesja tha garantohet 'vota parapëlyese në 2/3 e listës, shifrat e sondazhit: Mbi 80% e ligjvënësve zgjidhen nga krerët e partive

26 Dhjetor, 20:40 nga Kujtim Topuzi