Gjirokaster- Policia e Gjirokastrës ka arrestuar Julian Nakuçin inxhinier në Tiranë, vlerësues pasurish i cili akuzohet se në bashkëpunim me ish kreun e Kadastrës Gjirokastër, Florian Taçi dhe ish-topografin i Kadastrës, Alban Memishaj kanë përpiluar plane rilevimi dhe raporte vlerësimi pronash me licenca të falsifikuara.
Prokuroria informon se këto licenca rezultojnë të jenë përdorur jo vetëm pranë Agjencinë Shtetërore të Kadastrës në Gjirokastër, (ASHK-Gjirokastër) por edhe në Drejtoritë e Kadastrës në Tiranë.
Një nga këto plane ishte dhe përpilimi i dokumenteve që do të çonte qeverinë në firmosjen e dhënies me qira të 122 hektarë kullotë subjektit “FAETHON”, sh.p.k.” për ndërtimin e një parku fotovoltaik,në vendin e quajtur “Stojan”, Bashkia Libohovë, ndërkohë që toka kishte pronarë.
Më 14 shkurt 2024 qeveria kishte miratuar në mbledhjen e këshillit të ministrave ndërtimin e centrailit fotovoltaik në Libohovë
Prokuroria informon se ka vënë në sekuestro preventive sipërfaqen e tokës si dhe ka ushtruar kontroll në zyrat e këtij subjekti në Tiranë dhe ka bërë sekuestrimin e dokumenteve që kanë të bëjnë me pajisjen me licensë për ndërtim parku fotovoltaik.
Në kuadër të këtij procedimi, gjithashtu, u ekzekutua vendimi i gjykatës për vendosjen nën sekuestro preventive të një sipërfaqeje 122 (njëqind e njëzet e dy) hektar kullotë, me vendndodhje në vendin e quajtur “Stojan”, Bashkia Libohovë, e cilas sipas prokurorisë është regjistruar në shkelje të ligjit nga shtetasi Florian Taçi, ish-drejtues i ASHK Gjirokastër, “me qëllim favorizimin e subjektit ““FAETHON”, sh.p.k.”, për marrjen me qira të kësaj sipërfaqeje për 98 vjet për ndërtimin e një parku fotovoltaik, duke cenuar të drejtat e pronësisë së disa shtetasve. Për këtë qëllim u ushtrua kontroll në zyrat e subjektit ““FAETHON”, sh.p.k. në qytetin e Tiranës, ku u bë e mundur sekuestrimi i dokumenteve që kanë të bëjnë me pajisjen me licensë për ndërtim parku fotovoltaik.
Prokuroria e Gjirokastrës thotë se J.N përdorte licencat e falsifikuara me emrat A. T., D. H. dhe studio “Geo-Spital”.
Ky shtetas, në bashkëpunim me shtetasit e arrestuar më parë F.T dhe A.M. përpilonte plane rilevimi dhe raporte vlerësimi pronash duke përdorur në dhjetëra raste licencat e falsifikuara me emrat A. T., D. H. dhe studio “Geo-Spital”. Licenca që rezultojnë të jenë përdorur jo vetëm pranë ASHK-Gjirokastër, por edhe në Drejtoritë e ASHK-së në Tiranë.
Ndërkohë ish kreu i Kadastrës së Gjirokastrës Florian Taçi dhe bashkëpunëtori i tij ish-topografin i Kadastrës, Alban Memishaj u arrestuan në shkurt të këtij viti po për akuzën mashtrim, falsifikim dokumentash në bashkëpumim.
Lajmi ne perditesim...
Një sipërfaqe prej 122 ha kullotë në bashkinë Libohovë që ishte marrë me qira për 98 vite, për ndërtimin e parkut fotovoltaik nga kompania Faethon është vendosur në sekuestro preventive. Prokuroria e Gjirokastrës akuzon ish kreun e kadastrës së këtij qyteti, një ish topograf dhe një inxhinier në Tiranë se përpiluan raporte vlerësimi pronash me licenca të falsifikuara.
Po kush është kompania greke “FAETHON”, sh.p.k.”
Sipas QKB-se Rezulton të jetë e regjistruar në QKB më 12 korrik 2022. Objekt i veprimtarisë së shoqërisë është prodhimi i energjisë së rinovueshme, nëpërmjet metodës dhe teknogjisë fotovoltaike, si dhe metodave të tjera duke përfshirë prodhimin e energjisë nga uji, era etj.
Gjithashtu parashikohë që shoqëria do të kryejë aktvitetin e tregtimit të energjisë të prodhuar në përputhje me legjislacionin në fuqi.
Administratorë janë shtetasit grekë: Ioannis Tamaresis; Georgios Spyrous; Dimitrios Marras
Ndërsa pronari me 100% aksione është “Heron ii Thermoilektrikos Stathamos Viotias”
Sipas Akt themelimit te Shoqerise, “Heron ii Thermoilektrikos Stathamos Viotias” është një shoqeri aksionere themeluar sipas ligjeve greke, e regjistruar me seli ne Athine.
Ndërkohë në Tiranë “Faethon’ rezulton me adresë Tiranë, Rruga "Murat Toptani" Qendra e Biznesit Eurocol,
Subjekti Juridik nuk ka regjistruar të dhëna në regjistrin e pronarëve përfitues (RPP) deri me datë 15.02.2024.
Sipas Ekstraktit Historik te Regjistrit te Pronarit Perfitues, depozituar në QKB date 26.08.2022, terhequr date 15.02.2024, identifikohet vetëm Drejtuesi më i lartë vendimarrës që është Georgios Peristeris, shtetas grek, i datelindjes 1957, i cili përcakton vendimet e marra nga një person juridik, nëpërmjet shoqërisë “Gek Terna” që në dokument rezulton shoqëri anonime.
Lajme të tjera
-
Zjarri në Gjirokastër, aktiv gjatë gjithë natës! Zjarrfikësit në 'luftë' me flakët
30 Korrik, 08:45 -
Gjirokastër/ Zjarr në pyllin me pisha në lagjen Gërhot, zjarrfikësit në ‘luftë’ me flakët
29 Korrik, 12:52 -
Gjirokastër/ Zjarr në afërsi të një biznesi, dyshohet i qëllimshëm! Zjarrfikësit ndërhynë në kohë për të shuar vatrën
28 Korrik, 22:02 -
Vrasja e trefishtë në Memaliaj, ministri Balla takim me strukturat e policisë në Gjirokastër
27 Korrik, 14:24 -
Gjirokastër/ Mjeti del nga rruga dhe përfundon në përrua, shpëtojnë mrekullisht drejtuesi dhe pasagjerja
25 Korrik, 08:42 -
Gjirokastër/ Zjarr në fshatin 'Arshin Lengo', era favorizon përhapjen e flakëve
24 Korrik, 16:18
-
Përmet/ Turistja franceze rrëzohet në një përrua dhe mbetet e gjymtuar, nxirret me helikopter nga lugina! Dërgohet për kurim në Tiranë
24 Korrik, 10:03 -
Aksident në aksin Gjirokastër-Tepelenë, makina përplas 75-vjeçaren! E moshuara dërgohet në spital
24 Korrik, 09:07 -
VIDEO/ Digjet banesa në Lazarat
22 Korrik, 22:34 -
Hapja e filialit të Universitetit spanjoll kalon në Komisionin e Jashtëm! Shehu: Është një truk për të shuar universitetin e Gjirokastrës
22 Korrik, 21:40 -
Atentati i trefishtë në Memaliaj, Softa në Studio Live: Zanafilla që në 2022! Gazetari: Autorët kanë lëvizur drejt Greqisë
22 Korrik, 19:33 -
Atentati me 3 të vrarë në Memaliaj, Gjyshja e Gledion Mukës: Djalin ma vranë pa faj! Duam drejtësi
22 Korrik, 15:07
