Sekuestrohet në brigjet italiane një gomone e ngarkuar me 1.5 ton kanabis, origjina e të cilës ende nuk është përcaktuar. Dy trafikantët kanë rënë në pranga nga karabinierët, pasi agjentët po prisnin momentin e zbarimit të mjetit lundrues në tokën italiane. Në pranga kanë rënë dy trafikantët e ngarkesës, Z.A. dhe Z.C, të cilët sipas mediave italiane janë nga Brindizi.
Gomonia rreth 15 m e gjatë dhe me dy motorë, ra në sytë e agjentëve pasi këta të fundit po patrullonin zonën detare mes Brindisit dhe Barit, më konkretisht në koordinatat që njihen si rrugë detare nga ku trafikohet drogë nga Shqipëria dhe vendet e tjera të Ballkanit dhe më pas zbarkohet në brigjet e Puljas. Ngarkesa prej një ton e gjysmë e kapur mëngjesin e sotëm mendohet se vinte nga Shqipëria, por nuk ka të dhëna konkrete se nga cila zonë është nisur.
![](https://shqiptarja.com/template/img/NO_ALFA_Kuadrate shqiptarja.png)
Thasët me kanabis të sekuestruar nga karabinierët
Me të mbërritur në brigje, trafikantët kanë nisur shkarkimin e lëndës narkotike, në një kohë kur po survejoheshin nga karabinierët të fshehur në mes të shkëmbinjve. Në momentin e ndërhyrjes nga karabinierët, trafikantët tentuan të largohen me gomone por kanë ngecur në mes të shkëmbinjve. Droga ishte ndarë në 80 thasë të paketuar. Kjo është një sasi e konsiderueshme lënde narkotike, vlera e të cilës në treg arrin rreth 14 mln euro e destinuar për tregun vendas, më konkretisht në Bari.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)