Sekuestrohen 4651 kapsolla e fishekzjarrë me fuqi të lartë shpërthyese, nën hetim një tregtar në Kukës e gjoba dy të tjerëve në Lushnjë

4600 kapsolla dhe 51 fishekzjarrë me fuqi të lartë shpërthyese jan sekuestruar gjatë aksioneve të kontrollit nga policia në dyqane tregtare.  Po ashtu në Kukës është vënë nën hetim një 51-vjeçar G.G pasi në dyqanin e tij janë gjetur 4508 kapsolla dhe 51 fishekzjarrë me fuqi të madhe shpërthyese. Po ashtu në Lushnje janë gjobitur dy tregtar. Konkretisht në dyqanin e A. C. janë gjetur dhe sekuestruar në cilësinë e provës materiale 47 kapsolla dhe në dyqanin e  N. P. janë gjetur dhe sekuestruar 45 kapsolla me fuqi të madhe shpërthyese dhe të rrezikshme për jetën e qytetarëve.

Policia e Shtetit vijon zbatimin e masave për parandalimin e hedhjes në treg të lëndëve piroteknike, fishekzjarrëve dhe përdorimit civil, që rrezikojnë sigurinë publike, jetën dhe shëndetin e qytetarëve.

Aksioni sipas policisë është ndërmarrë gjatë kësaj jave në prag të festës së Krishtlindjeve dhe Vitit të Ri dhe si rezultat janë kontrolluar gjithsej 1592 subjekte (dyqane të ndryshme, markete apo supermarkete), si dhe tregje të shumicës, ku janë konstatuar mallra fishekzjarrë apo lëndë piroteknike.

Kontrollet do vijojnë pa ndërprerë në të gjithë territorin dhe në këtë kontekst Policia e Shtetit fton qytetarët për të denoncuar çdo rast të tregtimit të lëndëve të mësipërme në numrin pa pagesë 112 apo në aplikacionin “Komisariati Dixhital”.

TAG:
• fishekzjarre
• ndalimi i kapsollave
• ndalimi i fishekzjarreve
• viti i ri