Brajani është vetëm 11 muajsh. Tre ditë më parë ai ishte duke luajtur me nënën e tij në Shkodër, teksa ajo vuri re se vogëlushi nuk lëvizte njërën këmbë e njërën dorë.
Menjëherë prindërit që Brajanin e kanë fëmijën e parë, e dërguan atë në spitalin e Shkodrës, ku neurologët atje kuptuan se truri i vogëlushit nuk furnizohej mirë me gjak, ndaj e përcollën menjëherë në Tiranë për ekzaminime të specializuara.
Kjo është një sëmundje shumë e rrallë. Më shpesh është në Japoni, në lindjen e Largët. Është një sëmundje e cila karakterizohet nga ngushtimi i arterieve që i çojnë gjakun trurit. Bënë një rezonancë në Shkodër ku vihet re infarkti në të dyja anët e trurit dhe pastaj vjen këtu në QSUT, që bëhet një angeorzonancë, aty u pa që shkaku i infarktit ishin arteriet që po ngushtoheshin, ndryshe e quajtur moymoya.
Artur Xhumari, mjek neuro-kirurg
Ekipi mjekësor në QSUT nisi një ndërhyrje të vështirë, e cila është shumë e rrallë. Neurokirurgu që udhëhoqi ekipin në operacion tregon orët e gjata teksa po bënte 24 shpime në kokën e vogëlushit për të mundësuar një rrugë të re të furnizimit të trurit të tij me gjak.
Operacioni zgjati më shumë seç ishte parashikuar. Zgjati diku tek 5-6 dhe konsistoi në bërjen e shumë vrimave që të bëhet lidhja e arterieve të lëkurës së kokës të cilat do shkojnë brenda dhe do t’i japin gjakun trurit.
Artur Xhumari, mjek neuro-kirurg
Orët e pritjeve kanë qenë vecanërisht të vështira për mamanë e Brajanit, ashtu edhe për Klodianin, të atin.
Jam shumë i lumtur se gjithçka shkoi mirë. Ishte tmerr, si çdo prind që nuk do ta shohë fëmijën e tij keq. Ishalla nuk i ndodh askujt kjo gjë.
Klodian Marku, babai i Brajanit
Prindërit si prindër që janë, janë gjithmonë të frikësuar. Dhe në sëmundjen e neurologjisë është shumë vështirë të jesh i qetë menjëherë. Duhet durim dhe kohë të kalojë që të fillojnë të gjithë të qetësohemi.
Artur Xhumari, mjeku neuro-kirurg
Rasti vlerësohet si një histori suksesi për qendrën spitalore universitare “Nënë Tereza”. Vetë ministrja Ogerta Manastirliu publikoi në Facebook lajmin e mirë të këtij operacioni.
Unë si mjek nuk kisha mungesa në mjete apo në vegla apo në ilaçe për të realizuar operacionit.
Artur Xhumari, mjek neuro-kirurg
Brajan do të qëndrojë në pediatrinë e Tiranës edhe 3 ditë, sipas parashikimit të mjekut, duke shpresuar se trupi i tij do të ndihmohet edhe nga fati, për të mos pasur përsëritje.
Lajme të tjera
-
Tiranë/Kanosi infermierin në QSUT dhe kundërshtoi policët, arrestohet 36-vjeçari
11 Nëntor, 13:54 -
QSUNT binjakëzohet me qendrën spitalore më të madhe izraelite, Koçiu: Gur themeli për përmirësimin e shërbimit onkologjik
4 Nëntor, 12:16 -
Godina e Kardiokirurgjisë në QSUT në rikonstruksion, Koçiu: Do pajiset me teknologjinë më të fundit
4 Nëntor, 10:20 -
Vihet në funksion Brakiterapia në Onkologjik, nis trajtimi për pacientët
30 Tetor, 09:49 -
Historia pas aktit ekstrem të nënës së 2 fëmijëve në Durrës
24 Tetor, 13:21
-
Shtohen rastet me zgjebe në vend, mjekët: Çdo ditë kemi pacientë! Dermatologia: Është ngjitëse, familjarët më të rrezikuarit
21 Tetor, 20:36
-
Tiranë/ 8 muaj jashtë funksionit, vihet në punë aparatura e shintigrafisë në QSUT
21 Tetor, 11:28
-
Tiranë/ Familjarët çojnë 13-vjeçarin në gjendje të rëndë në spital, ndërron jetë te QSUT! E gjetën në dhomë, ja çfarë dyshohet (DETAJET)
13 Tetor, 20:20 -
Pas ndërhyrjes kirurgjikale, Rama i kthehet aktivitetit të përditshëm
7 Tetor, 10:18 -
U operua për hernie inguinale te QSUT, del 24 orë pas ndërhyrjes kirurgjikale kryeministri Edi Rama
4 Tetor, 10:01 -
Rama i nënshtrohet një ndërhyrjeje kirurgjikale, detaje nga operacioni në QSUT
3 Tetor, 10:55 -
Spitali i ri ditor në QSUT, Rama: Lehtësohet fluksi në spitalin qëndror
30 Shtator, 15:01
