Duke ëndërruar një gjë të tillë kanë nisur një aksion duke hedhur baltë mbi kuqezinjtë për të errësuar suksesin.
“Telegraf.sr” dje shkruante se 4 futbollistë armenë janë paguar me nga 500 mijë euro për t’u lënë ndeshjen shqiptarëve, ku gishti vihej mbi portierin Kasparov dhe 3 mbrojtësit e skuadrës armene. Me të njejtën gjuhë shpifjesh dhe akuzash shprehej edhe “B92”.
Sot, “Kurir.sr”, ndërsa vazhdon me akuzat për blerjen e ndeshjes në Armeni nga ana e Kombëtares sonë, ka e shfrenuar fantazinë dhe aludon, që Serbia mund të luajë në “play-off”.
Kjo duke iu referuar Dushan Maraviçit, një ish-zyrtari serb të UEFA-s, të cilit duket i ka mbetur ora në vitin 1992, kur Danimarka zuri vendin e ish-Jugosllavisë të përjashtuar nga UEFA.
Maraviç shprehet i sigurt se UEFA do të nisë hetimet për këtë ndeshjen Armeni-Shqipëri.
Ai nuk e vë në dyshim përjashtimin dhe masat ndaj Shqipërisë, duke i hapur rrugën Serbisë për të luajtur në “play-off”.
d.b/shqiptarja.com