POP 5

Lajmet më të lexuara të 5 minutave të fundit

Kosova & Rajoni

Serbi, në mars do të mbahen
zgjedhje të jashtëzakonshme

Kryesia e Partisë Progresive Serbe (PPS) e ka miratuar sot propozimin e liderit të kësaj partie, Aleksandar Vuçiç, që në Serbi të mbahen zgjedhje të jashtëzakonshme nga mesi i muajit mars. Pas marrjes formale të propozimit nga qeveria, pritet që Presidenti Nikoliç të shpërndajë parlamentin dhe ditën e mërkurë të shpalli zgjedhjet. Sipas sondazheve, Vuçiç ka mbështetjen më të madhe më krahasim me dy partitë e tjera kryesore në Beograd.



BEOGRAD- Kryesia e Partisë Progresive Serbe (PPS) e ka miratuar sot propozimin e liderit të kësaj partie, Aleksandar Vuçiç, që në Serbi të mbahen zgjedhje të jashtëzakonshme nga mesi i muajit mars. Shpallja e zgjedhjeve pritet ditën e mërkurë.

Zëvendëskryeministër i parë i qeverisë së Serbisë,  Aleksandër Vuçiç tha se udhëheqja partiake në mënyrë “unanime” e ka mbështetur propozimin e tij.

“Propozimi im është për ta parë vullnetin e popullit”, tha Vuçiç, në takimin partiak sot në Beograd, dhe kërkoi që zgjedhjet të organizohen më 16 mars.

“Ka ardhur koha që të paraqesim se çfarë kemi bërë”, është shprehur Vuçiç për mediat e Beogradit.

Pritet që presidenti i Serbisë, Tomislav Nikoliç, të vendos për shpërndarjen e parlamentit dhe ditën e mërkurë t’i shpallë zgjedhjet, pasi ta marrë propozimin formal të qeverisë, ka njoftuar kabineti i tij.
 
Sipas disa analistëve, SNS-ja duke organizuar këto zgjedhje synon që të përfitojë nga mbështetja shumë e lartë që ka fituar në elektorat pas fillimit të negociatave për të hyrë në BE dhe arrestimit të shumë njerëzve të pasur, në kuadrin e luftës kundër korrupsionit dhe krrimit të organizuar.

Një sondazh i kryer së fundmi tregon se SNS-ja ka mbështetjen e 43 për qind të elektoratit, e ndjekur nga Partia Demokrate (DS, në opozitë) vetëm me 13 për qind.
Ndërsa në vend të tretë, me 11 për qind, vjen Partia Socialiste (SPS) e Kryeministrit Ivica Daçiç.

Redaksia online
(esh/shqiptarja.com)
 

/Shqiptarja.com
  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze