Ministria e Punëve të Jashtme dhe e Diasporës e Kosovës ka njoftuar shtetet e QUINT-it për arrestimin e shtetasit kosovar Tefik Mustafa nga autoritetet e Serbisë të shtunën, e 1 qershorit në Merdarë
Në një komunikatë për media, Ministria informon se Zyra Ndërlidhëse e Kosovë në Serbi e ka njoftuar të shtunën për arrestimin Tefik Mustafës nga autoritetet e Serbisë në pikëkalimin kufitar Merdarë, për krime të pretenduara të luftës ndaj popullsisë jo-shqiptare, gjatë luftës në Kosovë më 1999.
Duke kërkuar lirimin e menjëhershëm ministria e Jashtme e Kosovës e quan vendim arbitrar dhe destruktiv dhe ka njoftuar misionet diplomatike të SHBA-së, Britanisë së Madhe dhe të shteteve tjera në Beograd.
Gjithashtu ministria i bën thirrje bashkësisë ndërkombëtare të kërkojë përgjegjësi nga shteti serb.
“Ministria e Punëve të Jashtme dhe Diasporës dënon ashpër ndalimin, arrestimin dhe keqtrajtimin e qytetarëve të Republikës së Kosovës dhe njëkohësisht i bën thirrje Bashkësisë Ndërkombëtare që të ndërmarrë hapa konkret për lirimin e menjëhershëm të qytetarit z. Tefik Mustafa dhe njëkohësisht të kërkojë përgjegjësi nga shteti serb për këto veprime arbitrare dhe destruktive dhe që bien ndesh me konventat ndërkombëtare për të drejtat e njeriut. MPJD për këtë arrestim ka njoftuar dhe shtetet e Kuint-it në Kosovë dhe do t’iu mbajë të informuar rreth këtij rasti dhe për çdo informatë të re do t’ju njoftojmë me kohë. Njëkohësisht ftojmë të gjithë qytetarët që mund të ballafaqohen me vështirësi të natyrave të ndryshme gjatë udhëtimit të tyre nëpër Serbi, që të na kontaktojnë në numrin e telefonit: +383 46 51 00 51”, thuhet në njoftimin e ministrisë.
Për arrestimin e Tefik Mustafës që u arrestua në Merdarë nën dyshimin për ‘krime lufte’, ka reaguar edhe sekretari i Zyrës Ndërlidhëse të Kosovës në Serbi, Fatmir Haxholli.
Haxholli e ka cilësuar këtë arrestim si poshtërsi.
“Me gjasë po iu duhet ndonjë temë propagandistike për zgjedhjet e nesërme në Serbi. Poshtërsi!” ka shkruar ai në Facebook.
Në tre vitet e fundit, në Serbi janë arrestuar disa shtetas të Kosovës me dyshimet e pretenduara se kanë kryer krime gjatë luftës në Kosovë 1998-1999.
Më 17 prill, autoritetet serbe e arrestuan shtetasin kosovar Sadik Duraku, i cili ka nënshtetësi britanike gjithashtu, nën dyshimet “për krime lufte” më 1999, akuza që u hodhën poshtë nga familjarët e tij.
Duraku u arrestua në një vendkalim kufitar mes Kroacisë dhe Serbisë dhe një gjykatë serbe i caktoi masën e paraburgimit po atë muaj.
Arrestimet e qytetarëve kosovar nga Serbia, kryeministri i Kosovës, Albin Kurti, i cilësoi si arrestime të padrejta, të qëllimshme dhe dashakeqe ndaj qytetarëve të Kosovës.
Komente
Lajme të tjera
-
Kamberi: Nëse protestat 'shuhen', Vuçiç do e çojë Serbinë në diktaturë
25 Dhjetor, 20:46 -
Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni
25 Dhjetor, 17:25
-
Serbia i refuzon ministrit të Brendshëm të Kosovës kërkesën për vizitë në Luginën e Preshevës
25 Dhjetor, 13:52 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Sulmi në kanalin Ibër-Lepenc, ambasadori amerikan në Serbi: Nuk ka prova që vërtetojnë autorësinë e Beogradit
23 Dhjetor, 14:27
-
Protesta masive në Beograd, gazetari nga Presheva në Report Tv: Më e madhja ndonjëherë që kur u rrëzua Millosheviçi! Sjellja arrogante e Vuçiç i ka irrituar më shumë qytetarët
23 Dhjetor, 11:49 -
Protestat në Beograd kundër qeverisë, Vuçiç akuzon studentët: Po paguheni nga Perëndimi
23 Dhjetor, 08:32 -
Beogradi 'mpihet' nga protesta masive kundër Vuçiç dhe qeverisë së tij! Studentë nga 50 fakultete bashkë kundër presidentit serb
22 Dhjetor, 18:35 -
Vjosa Osmani e zemëruar me BE pas samitit të Ballkanit Perëndimor
19 Dhjetor, 11:17
Kur kosova arreston çoft edhe kriminel dhe me deshmi te forta, europa reagon dhe kerkon lirimin e menjehershem sepse sipas tyre kosova nuk po respekton marreveshjet, kur serbia arrestone edhe duke qe ka lindur edhe pas luftes vetem se eshte shqiptar ska asnje reagim perkundrazi serbis i jepen privilegje e kosoves masa ndeshkuese, sidoçoft me vjen shum keq per kete djale qe serbia e paska arrestuar dhe sipas asaj qe po lexojme per kete akuza kam frike se do vuaje shum i gjori, por ama si ka mundesi qe dikush qe ka luftuar kunder serbise ka guxim te shkon ne serbi apo ka menduar i gjori se meqe gani geci shkon ate sa her qe vret shqiptar po shkoj edhe une, JO i dashur JO serbia nuk ka bese kan thane pleqt andaj kur ke rruge nuk duhet kaluar neper serbi, kjo do te ishte edhe patriotizem o te dashur, nuk duhet kaluar kah gropat e ujkut sepse nuk mund kush te shpeton as ata qe te duan me se shumti ne bote, familja pra.
PërgjigjuReciprocitet:Arrestoni edhe ju në Kosovë të gjithë serbët e dyshimtë që mund të kenë kryer Kreme gjat luftës.
Përgjigju