POP 5

Lajmet më të lexuara të 5 minutave të fundit

Kosova & Rajoni

Serbia do që në Bruksel sot të
bisedohet për zgjedhjet në Kosovë

Kryeministri i Kosovës dhe ai i Serbisë do të takohen sot  në orët e pasdites në Bruksel, në takimin e tyre të 21-të me radhë. Do diskutohet për votime edhe në Kosovë, për zgjedhjet në Serbi.
BRUKSEL - Kryeministri i Serbisë dhe ai i Kosovës do të takohen sot  në orët e vona të pasdites, apo në orët e hershme të mbrëmjes, në Bruksel, në takimin e tyre të 21-të me radhë, prej kur dialogu mes Kosovës dhe Serbisë është ngritur në nivelin e shefave të qeverive.
 
Siç shkruan sot “Koha Ditore”, Hashim Thaçi dhe Ivica Daçiç ishte parashikuar të takoheshin para një jave, por Beogradi nuk ka dëshiruar që kjo të ndodhë vetëm një ditë para nisjes së negociatave të anëtarësimit të Serbisë në BE.
 
Sipas burimeve nga BE-ja në këtë takim do të diskutohet më së shumti për implementimin e marrëveshjes së arritur në prill, e në veçanti për gjykatat në veri të Kosovës.
 
Nga Qeveria serbe është paralajmëruar se në këtë raund të dialogut në Bruksel do të vijnë edhe kryeministri Ivica Daçiq edhe zëvendëskryeministri Aleksandar Vuçiq.
 
Edhe pse lidershipi kosovar ka thënë disa herë se me Serbinë në dialog në Bruksel “nuk do të diskutohen çështjet e brendshme të Kosovës”, edhe një temë tjetër e brendshme e Kosovës pritet të bëhet temë e këtij dialogu.
 
Beogradi ka paralajmëruar se do të kërkojë të diskutohet edhe për zhvillimin e zgjedhjeve parlamentare. Këtë e ka thënë kryeministri i Serbisë, Ivica Daçiç, në konferencën për shtyp të martën e shkuar pas nisjes së negociatave të anëtarësimit mes Serbisë dhe BE-së.
 
Beogradi do të tentojë të fitojë të drejtën që edhe për zgjedhjet e Serbisë të votohet në territorin e Kosovës, të cilën vazhdon ta konsiderojë si territor të Serbisë.
 
Redaksia online
(ac/shqiptarja.com)

/Shqiptarja.com
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01