POP 5

Lajmet më të lexuara të 5 minutave të fundit

Kosova & Rajoni

Serbia kërkon të hetohen thirrjet për rebelim të armatosur

Prokuroria e Lartë e Beogradit njoftoi më 2 dhjetor se i ka parashtruar një kërkesë Policisë serbe që të mbledhë informacionet e nevojshëm lidhur me fletushkat që bëjnë thirrje për një rebelim të armatosur dhe ndryshim të rendit kushtetues të Serbisë.

Gjykata dhe Prokuroria e Lartë e Beogradit

Prokuroria e Lartë e Beogradit njoftoi më 2 dhjetor se i ka parashtruar një kërkesë Policisë serbe që të mbledhë informacionet e nevojshëm lidhur me fletushkat që bëjnë thirrje për një rebelim të armatosur dhe ndryshim të rendit kushtetues të Serbisë.

Këto fletushka janë vendosur në kutitë postare të qytetarëve në një rrugë të kryeqytetit të Serbisë, Beograd, u tha në njoftimin e Prokurorisë serbe.

Policia serbe po ashtu është urdhëruar që urgjentisht të zbulojë identitetin e personave që përgatitën dhe shpërndan këto fletushka, në të cilat gjenden dy kode QR.

Njëri nga QR kodet çon në një faqe interneti, ndërsa tjetri në një profil në Instagram, të dy me titullin “grusht baruti”.

Hetimet do të kryhen për të përcaktuar nëse ekzistojnë elemente të veprës penale "Thirrje për ndryshimin e dhunshëm të rendit kushtetues" nga neni 309 i Kodit Penal i Serbisë, tha Prokuroria e Lartë e Beogradit.

Pamfleti i përmendur ka titullin “Thirrje për rebelim të armatosur dhe ndryshim të rendit kushtetues të Republikës së Serbisë”.

Në të përmendet se cilëve qytetarë të Serbisë duhet t’u mohohet e drejta e votës e garantuar me Kushtetutën serbe, cilat janë afinitetet e nevojshme për qytetarët për të realizuar këtë të drejtë, dhe renditen fazat e realizimit të këtij qëllimi, u tha në njoftimin e Prokurorisë së Lartë të Beogradit./REL

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Interi propozon shkëmbimin e Kristjan Asllanit me talentin e Serie A

Interi propozon shkëmbimin e Kristjan Asllanit me talentin e Serie A

5 Janar, 22:54