POP 5

Lajmet më të lexuara të 5 minutave të fundit

Kosova & Rajoni

Serbia pranon targat e RKS, reagon Kurti: Skemë për të ulur presionin nga BE-ja e SHBA-ja pas parregullsive në zgjedhje

Kryeministri i Kosovës Albin Kurti komentoi vendimin e Serbisë për të njohur targat e Republikës së Kosovës

Serbia pranon targat e RKS, reagon Kurti: Skemë për të ulur presionin nga BE-ja e SHBA-ja pas parregullsive në zgjedhje

Albin Kurti

Kryeministri i Kosovës Albin Kurti komentoi vendimin e Serbisë për të njohur targat e Republikës së Kosovës.

Gjatë mbledhjes së fundit të qeverisë së Kosovës, Kurti, e lidhi vendimin e qeverisë serbe me presionin ndërkombëtar që po i bëhet Beogradit pas manipulimit të zgjedhjeve.

Kreu i qeverisë në Kosovë nënvizoi se për të ulur presionin e BE, Vuçiç mori vendimin për njohjen e targave të Kosovës.

Ndërkohë që në lidhje me deklaratën e BE se pritet e njëjta gjë dhe nga Kosova, Kurti theksoi se vendimi do të merret pasi të shihet si do të funksionojë aplikimi për targat në Serbi.

“Ndonëse i shërben lëvizjes së lirë e të lehtësuar të dy shteteve, dua të theksoj se ky vendim po vjen pas një moszbatimi më shumë se 10 vjeçar të marrëveshjeve paraprake. Përdorimi dy vjeçar i çështjes së targave nga ana e Serbisë për të tensionuar situatën e sigurisë në veri të vendit tonë dhe tash së fundi si përpjekje për të ulur kritikat nga komuniteti ndërkombëtar mbi Serbinë pas parregullsive në sistemin zgjedhor atje. Pra targat në Kosovë në shtator të vitit 2021 përdoreshin për të kërcënuar Kosovën edhe përmes avionëve Mig 29, të ngritur në qiell përmes kufirit dhe duke tentuar destabilizim në veri të vendit, sidomos nëpërmjet 16 barrikadave të cilat ishin ngritur rrugëve të katër komunave veriore për tri javë rresht në dhjetor të vitit të kaluar. Kurse në muajin në të cilën ndodhemi (dhjetor) po përdoren për të ulur presionin nga perëndimi demokratik, BE-ja, ShBA-ja, mbi Serbinë për zgjedhjet jo të rregullta, jo demokratike e për të mbuluar refuzimin zyrtarë të marrëveshjes bazike të Brukselit që i ka bërë letra kryeministres së Serbisë, Brnabiq, drejtuar këshillit Evropian me 13 dhjetor dhe për të maskuar dështimin e tyre në Banjskë më 24 shtator”, tha Kurti.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 28/12/2023 03:53

    Z.Kurti,nuk ka rendesi arsyeja,rendesi ka qe i njohu e i pranoi.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46