POP 5

Lajmet më të lexuara të 5 minutave të fundit

Sport

Seria A hedh hapin e rëndësishëm drejt rinisjes, skuadrat që nisin stërvitjet këtë javë (VIDEO)

Seria A ka hedhur hapin e parë të rëndësishëm drejt rinisjes. Nesër Sasuolo do të jetë klubi i parë që do të nisë stërvitjen, ndërsa një ditë më pas të njëjtën gjë do të bëjë Bolonja. Sakaq rifillimin e stërvitjes individuale ka njoftuar edhe Parma, ndërsa Napoli është në pritje të konfirmimi.

Nga nesër e hënë, futbolli në Itali dhe konkretisht Seria A, do të japë shenja të rikthimit gati dy muaj pas ndërprerjes për shkak të koronavirusit. Janë kryesisht skuadrat e rajonit të Emilia-Romanja ata të cilët kanë njoftuar të parat për rikthimin në stërvitje.

Klubi i Sassuolo-s është i pari që do të zbresë nesër në fushën e gjelbër. Klubi ka njoftuar se futbollistët do të mund të stërviten veçmas me ushtrime bazike në qendrën stërvitore të Mapei-t. Sigurisht që vazhdimi i stërvitjes individuale përkon me zbatimin e një protkolli të veçantë, që pikën kryesore ka distancimin fizik. Stërvitjet do të kryhen vetëm në mëngjes, ndërsa për futbollistët do të jetë e ndaluar hyrja në dhomat e zhveshjes, në palestra dhe zyra.

Sakaq po me lejen e rajonit të Emilia-Romanja edhe Bologna ka njoftuar se nga e marta do të nisë stërvitjet individuale të futbollistëve. Të njëjtën gjë ka bërë edhe Parma, veçse nuk ka bërë të ditur datën, por ka deklaruar se javën e ardhshme futbollistët do të zbresin në qendrën stërvitore. Sakaq edhe Napoli i ka bërë kërkesë drejtuesve vendorë për të nisur stërvitjen dhe është në pritje të një konfirmimi.

E gjithë kjo ka futur në konflikt drejtuesit e rajoneve në Itali me qeverinë qendrore, pasi këta të fundit e konsiderojnë të nxituar këtë hap. Sipas tyre duhet pritur ende, ndërsa javën e kaluar në konsideratë është marrë edhe ndërprerja përfundimtare e kampionatit, por me hapin e fundit duket se Seria A do të mbyllet në fushë.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Mos harroni çadrat! Reshje shiu dhe temperatura deri në 14 gradë

Mos harroni çadrat! Reshje shiu dhe temperatura deri në 14 gradë

28 Nëntor, 07:23