ITALI - Milani ka marrë një fitore të rëndësishme 0-1 në transfertë përballë Veronës, në sfidën e zhvilluar sot në stadiumin ‘Antonio Bentegodi’, e vlefshme për raundin e 33-të të Serie A.

Rasti i parë serioz i takimit erdhi në minutën e 41-të, moment në të cilin u zhbllokua edhe sfida. Pas një aksioni të shpejtë dhe një asistimi të saktë nga Rafael Leao, ishte Adrien Rabiot ai që dërgoi topin në rrjetë, duke i dhënë avantazhin kuqezinjve. Ky ishte goli i gjashtë i francezit këtë sezon me fanellën e Milanit.

Verona reagoi në minutat shtesë të pjesës së parë, ku Rafik Belghali pati një mundësi të mirë për të barazuar, por tentativa e tij u ndal nga një pritje vendimtare e portierit Mike Maignan.

Në pjesën e dytë, Milani gjeti sërish rrugën e rrjetës në minutën e 75-të me Matteo Gabbia, por goli u anulua pas rishikimit me VAR.

Në fund, ndeshja u mbyll me rezultatin minimal 0-1. Me këtë fitore Milani arrin në kuotën e 66 pikëve, duke barazuar Napolin dhe duke u ngjitur në vendin e dytë në renditje.

Pesë raunde nga fundi i sezonit, Interi duket ‘me një dorë’ te titulli i 21-të kampion pasi ka një diferencë prej 12 pikësh nga ndjekësit e Milanit dhe Napolit.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 18 Prill, 08:22

    Si ju duk strategjia e drejtorit Hita në organizimin e policisë gjatë protestës së PD?

Lajme të tjera