POP 5

Lajmet më të lexuara të 5 minutave të fundit

Kosova & Rajoni

Sërish shpërthime në veri të Kosovës, shënjestër policia! Sulmi ndodhi afër veturës së Policisë në Jarinje, dyshohet se mjetet u hodhën nga territori i Serbisë

Policia e Kosovës ka njoftuar se sot në orët e para të mëngjesit kanë ndodhur dy shpërthime në Sharpej të Jarinjës. Shpërthimet kanë ndodhur afër veturës së policisë. Dyshimet janë se mjetet piroteknike janë hedhur nga territori i Serbisë.

Sërish shpërthime në veri të Kosovës, shënjestër policia! Sulmi ndodhi afër veturës së Policisë në Jarinje, dyshohet se mjetet u hodhën nga territori i Serbisë

Mjetet piroteknike që iu hodhën policisë

Policia e Kosovës ka njoftuar se sot në orët e para të mëngjesit kanë ndodhur dy shpërthime në Sharpej të Jarinjës. Shpërthimet kanë ndodhur afër veturës së policisë në një postbllok. Dyshimet janë se mjetet piroteknike janë hedhur nga territori i Serbisë. Nga këto shpërthime s’ka të lënduar e as dëme materiale.

“Nga shikimi i vendit të ngjarjes është vërejtur se në xhamin e veturës policore ka mbetur një copë letre (dyshohet mbështjellës i mjeteve piroteknike). Ngjarja ka ndodhur në një pjesë që është afër territorit të Serbisë dhe dyshimi i bazuar është se këto mjete janë hedhur nga territori i Serbisë. Policia ka qenë duke monitoruar një rrugë ilegale të mbyllur kohë më parë dhe e cila përdorej për kontrabandë të mallrave. Nga ky rast, nuk ka persona të lënduar as dëme materiale. Policia është duke e trajtuar rastin dhe do të vazhdojë aktivitete operative për të parandaluar aktet kriminale trans-kufitare në atë zonë dhe ofrimin e sigurisë për të gjithë”, thuhet në komunikatë.

Ky është sulmi i pestë ndaj policisë brenda katër ditësh. Në një konferencë të përbashkët me Drejtorin e Policisë, Ministri i Punëve të Brendshme, Xhelal Sveçla njoftoi dje se zyrtarët kufitarë të Policisë së Kosovës janë sulmuar në veri të vendit, derisa po bënin ndërrimin.

/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Pritet konferenca e parë ndërqeveritare, mendoni se Shqipëria bëhet anëtare e BE në një kohë të shkurtër?

Lajme të tjera



×

Lajmi i fundit

John

Barcelona ndalon me ligj pirjen e duhanit në plazhe

1 Korrik, 23:02