Barcelona ka pësuar një humbje befasuese në udhëtim kundër Sevillas, me rezultatin e thellë 4-1, në ndeshjen e vlefshme për raundin e tetë në La Liga.

Ndeshja nisi me ritëm të lartë dhe vendasit arritën të kalonin në epërsi që në minutën e 13-të, kur ish-sulmuesi i Barcelonës, Alexis Sanchez, shënoi nga pika e bardhë e penalltisë për 1-0.

Sevilla vazhdoi dominimin dhe në minutën e 36-të dyfishoi rezultatin me golin e Romeros, pas një asistimi perfekt nga Vargas. Barcelona reagoi në fund të pjesës së parë. Pedri dhuroi një asistim të bukur për Marcus Rashford, i cili realizoi për 2-1, duke rikthyer shpresat te katalanasit.

Në pjesën e dytë, skuadra e Flick u hodh e gjitha në sulm në kërkim të barazimit, por fati nuk ishte në anën e tyre. Në minutën e 76-të, Robert Lewandowski humbi një penallti që mund të kishte ndryshuar rrjedhën e ndeshjes. Në minutat e fundit Sevilla ‘vulosi’ një fitore madhështore. Carmona shënoi për 3-1 pas një kundërsulmi të shpejtë, ndërsa në minutën e 96-të, Adams realizoi golin e katërt për rezultatin përfundimtar 4-1.

Pas kësaj ndeshjeje, Barcelona mbetet në vendin e dytë në klasifikim me 19 pikë, ndërsa Sevilla ngjitet në pozitën e katërt me 13 pikë, duke i dhënë fund serisë pozitive të katalanasve. Real Madrid me 21 pikë mban vendin e parë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera