Policia Rrugore e Shqipërisë dhe Policia Rrugore e Kosovës ka nisur sot patrullimin e përbashkët, pas marrëveshjes së bërë për patrullime të përbashkëta gjatë sezonit turistik.
Drejtori i Policisë Rrugore Altin Qato priti në Morinë, Drejtorin e Policisë Rrugore të Kosovës Jeton Rexhepi dhe patrullat e para të Policisë Rrugore të Kosovës që do patrullojnë me kolegët e Policisë Rrugore shqiptare, në Rrugën e Kombit, Lezhë, Shëngjin dhe Durrës.
Qato theksoi rëndësinë e zbatimit të rregullave të qarkullimit rrugor për rritjen e parametrave të sigurisë së jetës në rrugë.
“Sot është dita e parë që fillojmë patrullimet, kështu që jemi duke prezantuar shërbimet e përbashkëta, të cilat do të patrullojnë në akset rrugore të rrugës të Rrugës së Kombit, territorin e Lezhës dhe të Durrësit, ku është fluks i madh i qytetarëve kosovarë që frekuentojnë Shqipërinë, qoftë gjatë sezonit turistik që është një numër më i konsiderueshëm, por edhe gjatë gjithë vitit. Shërbimi do të konsistojë kryesisht në rritjen e parametrave të sigurisë, po dhe për menaxhimin e trafikut, pasi në këtë periudhë, siç e përmenda më parë, ka një fluks të jashtëzakonshëm të qytetarëve nga Kosova që frekuentojnë zonat turistike të Shëngjinit, Velipojës dhe Durrësit, prandaj dhe është menduar që këto akse rrugore do të patrullohen nga patrulla të përbashkëta”, tha ai.
Ndërsa, Jeton Rexhepi tha se gjatë këtyre 2 muajve do të ketë bashkëpunim të përvbashkët për të ofruar më shumë siguri në rrugë.
“Ne si Polici e Kosovës ndër vite kemi bashkëpunuar dhe kemi ofruar mbështetje, sidomos gjatë sezonit turistik, referuar numrit të qytetarëve, qoftë atyre që kalojnë pushimet në sezonin veror, mirëpo tani Shqipëria është bërë vizitë ditore e shumë qytetarëve të Kosovës dhe për këtë qëllim do të thotë që bashkarisht të ndikojmë përmes njësive tona patrulluese dhe përmes njësive të përbashkëta, në ofrimin e sigurisë rrugore dhe në rregullimin dhe lehtësimin e qarkullimit, sidomos në ato zona ku ka më tepër ngarkesë në trafik. Policia e Kosovës ka filluar me gjitha kapacitetet e nevojshme, qoftë burime njerëzore dhe logjistike. Kjo do të thotë që të jemi në këta 2 muaj në bashkëpunim dhe në patrullim të përbashkët për të ofruar siguri dhe për të shpëtuar sa më shumë jetë që është e mundur”, tha ai.
Lajme të tjera
-
Gara për Drejtor të Drejtorive Vendore të Policisë! ja lista me 43 kandidatë (EMRAT)
30 Tetor, 14:33
-
Drejtori i Rrugores, Altin Qato qëllon me shpullë të riun, pezullohet nga detyra! Policia: Kundërshtuan dhe ofenduan efektivët
2 Gusht, 22:17 -
Tuneli i Llogorasë, monitorim 24 orë me kamera dhe matës të shpejtësisë
11 Korrik, 14:06 -
A do marrë fund makthi i verës në trafik?! Deri në fund të sezonit Shqipëria do thyejë rekord automjetesh
19 Qershor, 13:34
-
Samiti/ Nis ndalimi i pjesshëm i qarkullimit në zonën e perimetrit të sigurisë rreth 'Air Albania'! Ja akset që do bllokohen dhe linjat e autobusit që do pezullohen (HARTA)
5 Dhjetor 2022, 07:57 -
Samiti i 6 dhjetorit/ Nga nesër ndalohet qarkullimi në zonën e perimetrit të sigurisë rreth 'Air Albania', drejtori i policisë Rrugore në Report Tv: Ja si do të bëhet lëvizja
4 Dhjetor 2022, 15:50 -
Aktivitet sensibilizues në Ditën Botërore të viktimave nga Trafiku Rrugor në disa qytete të vendit, Policia apel shoferëve dhe këmbësorëve: Respektoni rregullat
21 Nëntor 2021, 12:02 -
Vijojnë ndryshimet në Policinë e Shtetit, ikën Dhimitraq Ziu nga policia rrugore, emërohet Altin Qato
28 Tetor 2021, 22:42 -
Sezoni veror, Shqipëri-Kosovë patrullime të përbashkëta! Drejtori i policisë rrugore, Tarkaj: Qëllimi, turistët të kalojnë sezon sa më të qetë
1 Korrik 2021, 17:28 -
Hapet fushata për parandalimin e aksidenteve, bie numri i viktimave në trafik
9 Nëntor 2020, 13:13
