POP 5

Lajmet më të lexuara të 5 minutave të fundit

Kronikë

Sezoni turistik/ Policia shqiptare dhe kosovare nisin patrullimin e përbashkët, këtë herë edhe në jug

Që prej dy ditësh, në vendin tonë kanë mbërritur forca të policisë Kosovare, lidhur me një patrullim të përbashkët që do të kryejnë në këtë sezon veror me policinë e vendit tonë. Edhe pse efektivët e Kosovës nuk kanë tagër të vendosin masa administrative ndaj shtetasve Kosovarë apo edhe atyre Shqiptarë, shërbimi që ata do të kryejnë në terren do të jetë i njëjtë me ato të Policisë Rrugore të vendit tonë.

Policia Shqiptare dhe ajo e Kosovës kanë nisur patrullimin e përbashkët me rastin e sezonit veror në vendin tonë.

Mësohet se forca të policisë Kosovare kanë mbërritur në Shqipëri që prej datës 1 korrik e do të qëndrojnë deri në fund të sezonit turistik.

Sipas burimeve mësohet se efektivët e Kosovës nuk mund të vendosin gjoba për shtetasit e tyre, si dhe për qytetarët Shqiptarë.

Qëllimi i tyre është rritja e sigurisë në rrugë dhe parandalimi i aksidenteve.

Burime zyrtare pranë Policisë Rrugore pohuan se ndryshe nga vitet e tjera, në këtë sezon veror, patrullimi i përbashkët i dy policive do të bëhet edhe në Jug të Shqipërisë.

Që prej dy ditësh, shërbimi policor është vendosur në Rrugën e Kombit, në Lezhë, në Shëngjin Velipojë, në Durrës, në Vlorë e në Sarandë.

Kështu, Policia e Kosovës do të mbështesë me 6 turne, 3 patrulla me 6 oficerë policie, të ndarë në 3 automjete të ndryshme.

Ndërkohë, nisur edhe nga rastet kur disa turistë të huaj apo edhe shqiptarë kanë humbur jetën në det, është kërkuar shtim në masë sigurie për kontrolle më të shpeshta përgjatë vijës bregdetare.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Spahiu: Thirrja e Erjonit dhe Belindit në të njëjtën ditë në SPAK, politikë penale dhe jo profesionale

Spahiu: Thirrja e Erjonit dhe Belindit në të njëjtën ditë në SPAK, politikë penale dhe jo profesionale

26 Dhjetor, 22:50