Sezoni turistik, qershori nuk pati
fluks kosovarësh në Muriqan

 TIRANE -  Nisja e sezonit turistik nuk ka shënuar fluks në pikën kufitare Muriqan-Sukobinë që lidh Shqipërinë me Malin e Zi, shkak dhe mbajtja e zgjedhjeve parlamentare të 23 qershorit. Sipas statistikave të marra nga Drejtoria e Policise Kufitare e Qarkut Shkoder nga data 1 Qershor deri me 28 Qershor te këtij viti kanë hyrë në pikën kufitare të Muriqanit 8 2828 shtetas shqiptare dhe kanë dalë 10 555 shtetas shqiptarë. Po në këtë hark kohor kanë hyrë 27 325 shtetas të huaj dhe kanë dalë 31 274  përsona të huaj.
 
Ndërkohë që sipas të dhënave përsa i përket automjeteve kanë hyrë 11 300 dhe kanë dalë nga pika kufitare e Muriqanit 12 266 automjete.
 
Në total ka rezultuar se 77 436 persona shtetas të huaj dhe shqiptare që kanë hyrë dhe dalë nga kjo pikë kufitare.
 
Fluksi më i madh i hyrje-daljeve është shënuar në datat 21 dhe 22 Qershor.
 
Ajo që bie në sy nga keto të dhëna është që këtë vit ka patur 20 000 përsona me pak që kane hyrë dhe kanë dalë në këtë piken kufitare.
 
 Por shifrat flasin edhe për një tkurrje të numrit të lëvizjeve edhe gjatë 6 mujorit të parë të këtij viti në këtë pikë. Sipas të dhënave te policisë kufitare në 6 mujorin e parë të këtij viti nga Muriqani kanë hyrë dhe dalë në total 362 585 përsona me 115 265 automjete ndërsa po të krahasohet me të njëjtën periudhë të vitit të kaluar numri ka qënë më i madh, ku kanë hyre dhe dalë 430 049 përsona me 140 346 automjete.
 
Duket se në këtë drejtim ka ndikuar edhe marrëveshjet në mes Kosovës dhe Serbisë për pikat kufitare të integruar mes dy shteteve, të cilat kanë bërë që një pjesë e shtetasve kosovar kanë lëvizur nëpërmjet shtetit të Serbisë për të kaluar në Kosovë.
 
Në prag të nisjes se sezonit turistik në pikën kufitare të Muriqanit është punuar me 3 sportele ne hyrje dhe 3 në dalje.

(sg/shqiptarja.com)