Këshilli i Ministrave ka miratuar ditën e sotme ndryshimet në ligjin për vlerësimin e zhurmave në mjedis. Ky amendim i ligjit vjen pak para nisjes së sezonit dhe është bërë me qëllim që të ulet niveli i ndotjes akustike në zonat turistike dhe ndarjen e kompetencave mes institucioneve, se cili do të ketë përgjegjësinë për monitorimin e nivelit të ndotjes në përputhje me parametrat e Organizatës Botërore të Shëndetësisë.
Ky ligj do të kalojë në Kuvend për miratim javët në vijim dhe më pas do të detyrojë të gjitha bashkitë që të përcaktojnë hartën e zhurmave. Ministrja e Turizmit, Mirela Kumbaro shpjegoi se bashkitë duhet të përcaktojnë, zonat e banuara në të cilat nuk do lejohet asnjë lloj aktiviteti me zë të lartë pas orës 00:00, si edhe zonat në të cilat do lejohet muzika pas orës 00:00. Ministrja tha se monitorimi i këtyre bizneseve do të jetë përgjegjësi direkte e policisë bashkiake dhe sipas saj kështu i jepet fund hedhjes së përgjegjësisë nga një institucion tek një tjetër.
Monitorimi i nivelit të ndotjes akustike, Kumbaro tha se do të bëhet me mjete certifikuese kontrolluese të akredituara nga OBSH. Po ashtu me këto mjete do kenë mundësi që të kontrollohen edhe zhurma të tjera në zona të ndryshme të bashkive. Gjatë sezonit turistik, muzika lejohet nga ora 12:00 e drekës deri në 00:00 dhe në përputhje me hartat që do përcaktohen nga bashkitë, policia do të ketë kompetencë për monitorimin dhe ndëshkimin e aktiviteteve që nuk i zbatojnë rregullat sipas zonave të përcaktuara në hartë.
“Miratuam amendimet në ligjin për vlerësimin e zhurmave në mjedis. Është një punë 1-vjeçare por edhe si rezultat i vëzhgimit të sezonit të kaluar turistik ku një nga shqetësimet e mëdha që kishin bizneset, pushuesit ishte ndotja akustike për shkak të muzikës së shpërndarë në lokale bare restorante e hotele. I dhamë zgjidhje një probleme të akumuluar prej vitesh. Duke filluar nga ky sezon me miratimin e ligjit në javët në vijim, do kemi kontroll më të rreptë të ligjit dhe fasha orare më të kontrolluara dhe një kompetencë të zgjeruar të policisë sa i përket kontrollit me mjete të certifikuara për të kontrolluar ndotjen akustike, oraret por edhe një detyrë të re për bashkitë, që kanë detyrimin të përcaktojnë hartën e zhurmave, për të përcaktuar qartë zonat e banuara, krejtësisht të qeta, zonat ku janë larg banesave dhe ku mund të zhvillohen aktivitete zbavitëse me muzikë, sikurse do të ketë një ndarje më të qartë të kompetencave mes policisë bashkiake që do vazhdojë të kontrollojë dhe do pajiset me mjete certifikuese kontrolluese të akredituara edhe për lloje të tjera të zhurmave që mund të krijohen nga biznese të ndryshme në territore të ndryshme të bashkive.
Një ndarje më të qartë për ti dhënë fund topit që hidhej sa te mjedisi, policia, të gjitha institucionet e kanë shumë të qarta. Fashat orare për sezonin e verës, aktivitete muzikore do jenë nga ora 12 e drekës deri në 12 të natës, në përputhje me hartat policia do të marrë kompetencat për të monitoruar dhe ndëshkuar aktivitetet që nuk i zbatojnë", tha ministrja Kumbaro.
E pyetur nëse ndryshimet në këtë ligj do në pezullojë bizneset Kumbaro tha se do të lejohet muzika me zë të lartë, por vetëm në zonat të cilat nuk janë të banuara. Sipas saj, kjo do të sjellë një riorientim të bizneseve në territore të reja apo një riorientim në topologjinë e aktiviteteve që do të kryejnë.
“Normat e muzikës nuk kanë qenë të kontrolluara në përputhje me parametrat e OBSH, kemi pasur urdhëresa dhe akte nënligjore por nuk ka qenë e qartë kompetenca se kush e kontrollonte limitin e muzikës, ky ligj e kontrollon këtë. Bashkitë duhet të përcaktojnë se kush janë ato zona që mund të lejohen aktivitete me muzikë me zë të lartë edhe përtej kësaj zone, që duhet të jenë larg zonave ku banohet. Kjo do sjellë një riorientim në territore të tjera dhe në tipologjinë e aktiviteteve që do kryejnë. Nuk është e mundur që të bashkëjetojnë brenda një sezoni edhe jeta e natës edhe muzika, me paqen edhe qetësinë. Kjo mund të ndodh vetëm nëse respektohen të tilla rregulla”, tha Kumbaro.
Ministrja theksoi se po ndjekin rregullat që i ndjekin edhe vendet e tjera të BE-së.
Komente
Lajme të tjera
-
Programi Albadapt për rreziqet ndaj klimës, 35 milionë euro nga qeveria gjermane! Kumbaro: Modernizim i infrastrukturës digjitale! Vengu: Të përfshijmë vullnetarët
25 Nëntor, 13:50 -
Mirela Kumbaro për 'Radio Evropa e Lirë': Shqipëria synon turizëm elitar me gjithë sfidat
24 Nëntor, 18:13 -
Vendimi i Qeverisë/ Zgjatet afati për shqyrtimin e kërkesave të Startup-eve, nga 10 bëhet 30 ditë!
20 Nëntor, 22:40 -
Vendimi i Këshillit të Ministrave/ Rikonstruksioni i linjës 110 kV Ballsh-Marinëz dhe Ballsh–Drenovë, miratohet fondi për shpronësimin e pronarëve
20 Nëntor, 22:14 -
Hapen aplikimet në e-Albania për menaxhimin e stacioneve të plazhit
15 Nëntor, 14:36 -
Shifrat Janar-Tetor/ 4,9 milionë vizitorë në zonat e mbrojtura, 1,7 mln të huaj! Kumbaro: Janë 20% më shumë se në 2023! Turizëm gjithëvjetor, fokusi tek eko-turizmi
14 Nëntor, 12:53 -
10,4 milionë vizitorë të huaj deri në tetor, Kumbaro: Shqipëria një destinacion turistik i shumëdëshiruar
13 Nëntor, 13:16 -
Ankorohet anija me mbetje, 102 kontejnerët vendosen në Porto Romano! Ruhen me policë e monitorim me kamera! Ministria: Analizat në Belgjikë e Zvicër (VIDEO)
8 Nëntor, 07:04
-
Rregullat e reja për sezonin veror 2025/ Kumbaro: Prioritet plazhet publike, bashkitë riorganizojnë dhe menaxhojnë hapësirat! Më 15 nëntor hapet aplikimi
6 Nëntor, 13:01 -
Do krijohet Forca Rezerviste! Zbulohet vendimi i Qeverisë: Shërbim ushtarak deri në 45 ditë në vit! Pranohen dhe ato me dy shtetësi
30 Tetor, 19:43 -
Strategjia ‘Turizmi 2030’/ Punonjësit sezonal në turizëm, pagë edhe jashtë sezonit! Qëllimi, të mbahen të kualifikuarit
27 Tetor, 17:15
-
Qeveria miraton rregulloren e re për plazhet private, subjektet që përfitojnë dhe kriteret! Aplikimi në e-Albania, çadrat 3 metra nga njëra-tjetra dhe vend për invalidët (E PLOTË)
24 Tetor, 18:12
Gabim i madh! I beni te gjitha ne te kunderten.Ketej nga jetojme ne, te duhen tre licenca,nje per aktivitet te pergjithshem,nje per alkool,(se duhani nuk lejohet),nje per muzike,kur ke lokalin me muzike,nuk t'a japin licensen po nuk i pate ambientet te veshura me materiale qe nuk lejojne depertimin e muzikes e zhurmave perjashta.Kur t'i kene plotesuar keto kushte,le t'i bien /qemanes/ kur te duan e sa te duan.Kur behet fjale per muzike e zhurma ne ambiente te hapura,atehere eshte ceshtje tjeter,atehere mund t'ju vesh kushte /ku e kur/.
PërgjigjuMirë a e keni menduar ndonjëhere për të risjellë për pushuesit e gjërë PLAZHET PUBLIKE të cilat jane zaptuar nga bizneset centimetër për centimetër e bythë më bythë karriget apo shezlongët me qindra kilometër plazh pa asnjë rregull administrimi për mjedise të lira siç i ka gjithë bota kudo që të shkosh ,kuptohet kjo të dhënë nga bashkitë të cilat përfaqsohen nga njerëz që janë të lidhur me to për rushfet apo per dreka e darka në klubet përkatëse kundrejt një metri katror në rërë .Shkoni edhe këtë vit në Velipojë dhe do të shikoni që vendi i lirë është 4km larg nga qëndra , shkoni në Shëngjin dhe do shikoni që nuk ka asnjë vend të lirë , disa dhëmbëprishur vitin e kaluar të sezonit qëndronin me shkop në dorë buzë plazheve për të mos lejuar njeri në zonën e rekrutuar.Ministria duhet ta përmend edhe këtë fakt jo fort të parëndësishëm.
PërgjigjuSe zhurmat u ngelen akoma ketyre. Me gjithe pisllekun, kriminalitetin, cmimet e pa kontrolluara, ushqimet e skaduara fiks zhurmat kishin akoma merak.
PërgjigjuPo per pellitjet e xhamive qe ne 4 te mengjesit perse nuk w zbatoni ligjin e ndotjes akustike?
PërgjigjuO zot sa e peshtir dhe e shemtuar kjo ministrja
PërgjigjuAkoma ministre kjo mesuesja e frengjishtes qe Kosoven e ka akoma nen Serbi?
Përgjigju