Sezoni turistik/ Tola: Kemi ndaluar 1000 shoferë pa patentë dhe të dehur! Shtim masash në akset kryesore

TIRANË- Drejtori i Përgjithshëm i Policisë Rrugore, Mit'hat Tola ka deklaruar se përgjatë muajt gusht janë kapur 1000 drejtues mjetesh të papajisur me patentë, ose siç e përkthen ai 1000 aksidente më pak në këtë sezon turistik.

I ftuar në studion e Report Tv, Tola është ndalur të flasë mbi masat e marra nga policia rrugore për shmangien e aksidenteve dhe radhëve të gjata të trafikut, kryesisht gjatë fundjavës. Ai ka deklaruar se policia ka shtuar masat në akset kryesore, më të frekuentueshme nga pushuesit, teksa shtoi se në rrugë janë vendosur dronë, çifte biçikletash me policë rrugorë, si edhe radarë.

Ndërkohë duke u ndalur tek aksidentet e ndodhura përgjatë muajit gusht, Tola tha se nga 8 persona që kanë humbur jetën, 6 prej tyre kanë qenë këmbësorë, duke vënë theksin te pakujdesia e këtyre të fundit në kalimin e rrugës apo te mosrespektimi i shenjave rrugore.

"Kemi 10 çifte biçikletash që janë në patrullim për të mos lejuar parakalimin e gabuar. Nga 8 persona që kanë humbur jetën, 6 prej tyre janë këmbësorë. hetimet do të nxjerrin se kush është fajtori, por ky është një tregues që këmbësorët janë të pakujdesshëm. Janë ndaluar 1000 persona që po drejtonin mjetin pa patentë dhe në gjendje të dehur, pra 1000 aksidente të kursyera", u shpreh Tola i ftuar në studion e Report Tv.

Në fund ai ka zgjedhur që të japë edhe një mesazh drejtuesve të mjeteve.

"Ne jemi në rrugë duke bërë detyrën tonë. Duam që ata që shkojnë në plazh të kthehen në shtëpi. Të shkojnë me patentë dhe të kthehen me patentë", tha Tola.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lapraka Myfiti: 16/08/2019 09:59

    Ketij dhe gruaja si ve rrip sigurimi ......

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Do trafikonin kokainë në Gjermani, SPAK sekuestron pasuritë e Princ Dobroshit dhe Olsi Syziut

Do trafikonin kokainë në Gjermani, SPAK sekuestron pasuritë e Princ Dobroshit dhe Olsi Syziut