POP 5

Lajmet më të lexuara të 5 minutave të fundit

Sport

S'fitoi asnjëherë në 2021, trajner i Tiranës: Kukësi s'është i pamposhtur! Të hënën mbyllet gjysma e Superligës

Kukësi i pamposhtur në 2021 nga Tirana do përballet me bardheblutë kryesues të Superligës të dielën në supersfidën e javës së 18. Trajneri i Tiranës Orges Shehi thotë se kjo ndeshje do ketë një histori tjetër nga ajo e kaluara, ndërsa po të dielën luhet edhe Kastrioti-Vllaznia.

Tirana-Kukësi është sfida më e rëndëishme e javës së 18 të Superligës, që luhet të dielën në orën 16:45. Bardhblutë e kryeqytetit udhëheqin kampionatin me 6 pikë më shumë se Kukësi ndjekës, por në 3 ndeshjet e fundit kurrë nuk i kanë mposhtur verilindorët.

“Kemi bërë 3 ndeshje gjatë vitit të kaluar me Kukësin dhe nuk kemi arritur të marrim fitoren, por kjo nuk ndikon aspak në aspekin psikologjik, sepse nuk është një kundërshtar që nuk mposhtet. Pra është një kundërshtar që do përballemi shpesh dhe do ketë rezultate të ndryshme,”-deklaroi Orges Shehi, trajner i Tiranës.

Sfida tjetër e së dielës do jetë mes Kastriotit që lufton për mbijetesë dhe Vllaznisë që tenton të afrohet me kreun.

“Për ne çdo ndeshje është finale. Pak a shumë kështu edhe për Kastriotin. Vllaznia gjithsesi do mendojë për maksimumin sa herë që futet në fushën e lojës,”-tha Thomas Brdaric, trajner i Vllaznisë.

“Jam i bindur nëqoftëse veprojmë mirë në këtë ndeshje, nëqoftëse kemi disiplinë dhe rrimë gjatë gjithë kohës në ekuilibër do marrim një rezultat pozitiv,”-u shpreh Emiljano Çela, trajner i Kastriotit.

3 ndeshjet e tjera të javës së 18, që mbyll edhe gjysmën e kampionatit, janë mes Egnatias dhe Dinamos, Laçit dhe Partizanit si dhe mes Skënderbeut e Teutës.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Thoma Gëllçi: Shqiptarë, zgjidhni dhe votoni!

Thoma Gëllçi: Shqiptarë, zgjidhni dhe votoni!

22 Janar, 23:03 nga Thoma Gëllçi