POP 5

Lajmet më të lexuara të 5 minutave të fundit

Opinion

Shaban Murati: Çfarë populli jemi?

Aq flagrant dhe negativ është ky servilizëm i pështirë politik dhe etnik shqiptar, saqë edhe qeveria amerikane u neverit dhe e dënoi me shpalljen ‘non grata’ jo vetëm ish-zëvendëskryeministrin shqiptar, por edhe anëtarët e familjes se tij

Shaban Murati: Çfarë populli jemi?

Artan Grubi, ish-zv/kryeministri shqiptar i shpallur non grata nga SHBA

Në 9 dhjetor 2024, SHBA shpallën ‘non grata’ ish-zëvendëskryeministrin shqiptar (BDI) të Maqedonisë së Veriut, për korrupsionin e ndërhyrjes në gjykatat e Shkupit, për të shpëtuar nga dënimi penal Sasho Mijallkovin, shefin maqedonas të shërbimit sekret maqedonas, i shpallur edhe ai ‘non grata’ nga SHBA, shërbim që ka qenë dhe është nga armiqtë më të egër të faktorit shqiptar atje. 

Aq flagrant dhe negativ është ky servilizëm i pështirë politik dhe etnik shqiptar, saqë edhe qeveria amerikane u neverit dhe e dënoi me shpalljen ‘non grata’ jo vetëm ish-zëvendëskryeministrin shqiptar, por edhe anëtarët e familjes se tij. 

Për të treguar sesa i gjerë është degradimi etnik, politik dhe moral i krerëve politikë shqiptarë, po sjellim shembullin e një kryetari të një partie të rëndësishme politike shqiptare në Maqedoni, i cili publikisht “i betohej për besnikëri deri në vdekje” shefit të shërbimit sekret maqedonas Sasho Mijallkov. 

Një betim, që i bëhet dhe duhet t’i bëhet vetëm idealit kombëtar shqiptar dhe flamurit kombëtar shqiptar, përdhoset në këtë derexhe kuislinge. Po kjo parti e këtij kryetari, e cila merrte pjesë në qeverinë e kryeministrit Georgievski në vitin 2001, qëndronte qetësisht në qeverinë maqedonase, duke gëzuar benefitet maqedonase, në kohën kur artileria maqedonase bombardonte dhe masakronte fshatrat shqiptare të Tetovës. 

Çfarë bëri më tepër Kuislingu norvegjez në vitet e luftës së dytë botërore, kur Norvegjia ishte e pushtuar nga trupat naziste?

A kanë gojë shqiptarët e Maqedonisë së Veriut të ankohen për diskriminim e tyre etnik nga shteti maqedonas, kur krerët e tyre politikë shqiptarë i betohen “për besnikëri deri në vdekje” shërbimit sekret maqedonas? 

Në 2015, kryetari shqiptar i bashkisë së Preshevës dekoron me dekoratë të posaçme kryeministrin e Serbisë, Aleksandar Vuçiç, të shtetit shtypës të popullit shqiptar të Luginës së Preshevës. A kanë më të drejtë pas kësaj shqiptarët e Preshevës të hapin gojën të ankohen në zyrat diplomatike perëndimore për diskriminim etnik të tyre nga presidenti i shtetit serb Aleksandar Vuçiç, i cili u tund diplomatëve perëndimorë dekoratën shqiptare të dhënë nga shqiptarët për mirënjohje ndaj Serbisë për “të mirat”, që Serbia u ka bërë shqiptarëve të Luginës?

Rrënjët e së keqes shqiptare shkojnë shumë thellë…Këto qëndrime nuk janë vetëm turpi personal faqezi i atyre funksionarëve të mjerë politikë shqiptarë në Serbi dhe në Maqedoni, por është turp i gjithë popullit. Është turp kombëtar!

O Zot! Çfarë populli jemi vallë, që u lëpijmë këmbët shtypësve dhe japim jetën për qeveritë serbe dhe maqedonase, që i kanë masakruar dhe përbuzur shqiptarët në shekuj?

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gjergj: 16/12/2024 13:29

    Pèr ata mes nesh shqiptarè, qè e duan kombin dhe ngjyrat shqiptare por njèkohèsisht dèshirojnè tè analizojnè edhe TÈ VÈRTETÈN SHQIPTARE, ky artikull, u jep mundèsinè "tè kuptojnè" edhe arsyet e gjèndjes aktuale tè shqiptarève nè pèrgjithèsi. Shpesh, nè mangèsi tè lajmit pozitiv pèr vetveten qè shèrben si burim vetèbesimi pèr tè sotmen dhe tè nesèrmen, shqiptarèt pèrpiqen tè krenohen me personazhe tè sè kaluarès, qè kanè pasur rol vendimtar nè drejtimin, deri edhe krijimin e kombeve tè tjera? A pyet kush vetveten, pse vallè kèta shqiptarè nè gjak,,qè krijuan Greqinè, bèn pashain dhe luftètarin trim pèr Turqinè, drejtuan Egjiptin dhe veshèn velladonin e papès sè Romès, nuk u mblodhèn tè bènin diçka tè mirè pèr kombin qè u pèrkisnin? At Gjergj Fishta, na ndihmon shumè me konkluzionet e tij TÈ ARTA DHE ME GJUHÈN E TIJ GJIGANDE, pèr tè kuptuar qènien e shqiptarit. Faik Konica me veprèn e tij, na ndihmon po ashtu. Tè fundit nè krijimin e shtetit tonè pas shpèrbèrjes sè perandorisè osmane,,,tè parèt pèr ta luftuar, denigruar dhe luftuar atè shtet,,,jemi ne shqiptarèt. Profili i shqiptarit shterpè dhe dallkauk, injorant dhe i pèshtirè, qè i shèrben me devotshmèri vrasèsit dhe pèrdhunuesit tè tij por jo bashkèsisè kombètare qè i pèrket, nuk ka simotèr nè kontinentin europian. Histori tragjike e njè kombi tè lashtè dhe tè nèpèrkèmbur, pikèrisht sepse armiqtè mè tè egèr tè tij, i ka shqiptarè. Shihni sot realitetin kudo ku ka shqiptarè. Asgjè nuk ka ndryshuar. Gjithkund korrupsion dhe ikje masive. Edhe kur Zoti, u jep shqiptarève njè lider qè nuk i vjedh apo qè nuk i tradhton si Albin Kurti,,,,i sulen Edi Ramèt dhe Ali Ahmetèt, nè tango me Vuçiç,,,,o burra ta heqèm qafe sepse nuk duhet tè egzistojè shqiptari qè vendos vetè por vetèm ai qè mbijeton si pervers nèn hyqmin e serbit dhe grekut.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

'Ne blejmë më shtrenjtë se qytetarët e BE', deputetja e PL-së: Shëndeti i shqiptarëve kërcënohet si nga prodhimi vendas dhe ai i importit

'Ne blejmë më shtrenjtë se qytetarët e BE', deputetja e PL-së: Shëndeti i shqiptarëve kërcënohet si nga prodhimi vendas dhe ai i importit

26 Dhjetor, 12:40