Shantazh Berlusconit për 35 mln euro, arrestohet anëtari shqiptar i bandës (EMRI)

Ilirjan Tanko

ITALI- Po udhëtonte me xhaxhanë e tij, kur u ndalua nga Policia Rrugore për një kontroll rutinë: kështu u arrestua në Bergamo 37 vjeçari shqiptar, Ilirjan Tanko, pjesë e bandës që në vitin 2012 mbajti peng kontabilistin e besuar të ish-kryeministrit të Italisë Silvio Berlusconit, Giuseppe Spinellin.

Për këtë episod, Tanko u dënua në vitin 2014 për rrëmbim me katër vjet e katër muaj dhe dëbim nga shteti italian. Pas largimit të tyre të gjithë anëtarët shqiptarë të grupit u rikthyen sërish në Itali me dokumente të rreme.

Unë nuk mund të qëndroj larg nga familja ime që jeton në provincën e Brescia, kjo është arsyeja pse u ktheva.

Tha para gjykatës së Bergamos, 37-vjeçari

Që nga rrëmbimi i kontabilistit të Berlusconit kanë kaluar plot gjashtë vjet. Giuseppe Spinelli, ishte personi që Berlusconi i kishte besuar financat e tij.

Në mbrëmjen e 15 tetorit, një grup i udhëhequr nga Francesco Leone hyri në vilën e tij në Bresso të Milano duke rrëmbyer Spinellin dhe gruan e tij, Anën, të cilët i mbajtën peng për njëmbëdhjetë orë. Ata i liruan të nesërmen pa marrë ndonjë shpërblim.

Gjatë pengmarrës së Spinelit dhe bashkëshortes së tij, banda i kërkoi 35 milionë euro Berluksonit, përndryshe njeriu i tij i besuar do të vritej si dhe do publikoheshin disa dokumenteve, që ata pretendonin se kishin në dorë, në lidhje me disa skandale politike.

Përveç Ilirjan Tanko,pjesë e bandës ishin edhe Marjus Anuta, Laurenc Tanko, Francesco Leone, Alessio Maier dhe Pierluigi Tranquilli.

  • Sondazhi i ditës:

    Ngec integrimi i Shqipërisë në BE, sipas jush e kujt është përgjegjësia?

Komento


×

Lajmi i fundit

John

“100 vjet nga udhëtimi i Justin Godart në Shqipëri”, konferenca shkencore e mbajtur sot në Akademinë e Shkencave