Shapkat e Steve Jobs shiten në ankand për 200 mijë dollarë, çmimi më i lartë në histori

Sandalet e veshura nga Steve Jobs, themeluesit të kompanisë “Apple” u shitën për 220 mijë dollarë në një ankand në New York të dielën.

Kamoshi kafe, "Birkenstock Arizonas" u mbajtën nga Jobs në vitet 1970 dhe 1980 “gjatë momenteve më të rëndësishme në historinë e kompanisë “Apple", sipas shtëpisë së ankandit.

Ky është çmimi më i lartë i paguar ndonjëherë për një palë sandale në ankand, tha drejtori ekzekutiv i Julien's Auctions, Martin Nolan, dhe një rekord për këpucët në shtëpinë e ankandit.

LEXO EDHE:
Warren Buffet po shet aksione dhe po grumbullon cash! A di diçka që ne nuk e dimë?

Sandalet, të cilat u shpëtuan nga mbeturinat nga një ish-menaxher shtëpie, pritej të arrinin nga 60,000 deri në 80,000 dollarë, por çmimi përfundimtar i shitjes ishte 220 mijë dollarë.

Sandalet kishin qenë në disa ekspozita gjatë viteve, duke përfshirë një me kompaninë Birkenstock ku mori pjesë Chrisann Brennan, ish-partnerja e Jobs dhe nëna e fëmijës së tij të parë, Lisa. Sandalet ishin pjesë e "uniformës" së Jobs, tha ajo gjatë një interviste të vitit 2018 për "Vogue".

“Ai kurrë nuk do të kishte bërë apo blerë asgjë vetëm për t'u dalluar nga të tjerët”, tha ajo për revistën. “Ai thjesht ishte i bindur për inteligjencën dhe prakticitetin e dizajnit dhe komoditetin e veshjes së tij”.

Jobs vdiq më 5 tetor 2011, në moshën 56-vjeçare pas një beteje të gjatë me kancerin e pankreasit.

TAG:
• apple
• Steve Jobs

Sondazhi i ditës:

Si ka qenë për ju viti 2024?

• I mirë

  44%

• I keq

  22.7%

• As i mirë as i keq

  33.3%

Vota total: 1484

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq