Departamenti i Drejtësisë njoftoi të martën ngritjen e akuzave kriminale ndaj udhëheqësit të Hamasit, Yahya Sinwar dhe militantëve të tjerë në lidhje me vrasjet e 7 tetorit 2023 në Izrael.
Në dokumentet e dorëzuara në një gjykatë federale në qytetin e Nju Jorkut përfshihen akuzat për komplot për të ofruar mbështetje materiale për një organizatë të huaj terroriste, që rezultoi në viktima.
“Akuzat e shpallura sot janë vetëm një pjesë e përpjekjeve tona për të goditur çdo aspekt të operacioneve të Hamasit”, tha përmes një video deklarate Prokurori i Përgjithshëm Merrick Garland.
“Këto veprime nuk do të jenë të fundit”.
Akuzat vijnë ndërsa Shtëpia e Bardhë thotë se po punon me Egjiptin dhe Katarin në një propozim të ri në përpjekje për të arritur një marrëveshje midis Izraelit dhe Hamasit për t'i dhënë fund luftës gati 11-mujore në Rripin e Gazës. Propozimi përfshin lirimin e pengjeve që ende po mbahen nga Hamasi. Një zyrtar amerikan, i cili foli në kushte anonimiteti, i tha agjencisë së lajmeve Associated Press se nuk ka asnjë arsye për të besuar se akuzat do të ndikonin tek negociatat.
Zëdhënësi i sigurisë kombëtare John Kirby tha se "ekzekutimet" e fundit të gjashtë pengjeve, duke përfshirë një amerikan, Hersh Goldberg-Polin, nga Hamasi "theksojnë nevojën për veprime urgjente" në bisedime.
Yahya Sinwar u emërua udhëheqës i përgjithshëm i Hamasit pas vrasjes së drejtuesit të mëparshëm të kësaj oranizate, Ismail Haniyeh në Iran dhe është në krye të listës së personave më të kërkuar të Izraelit. Ai besohet se ka kaluar pjesën më të madhe të 10 muajve të fundit duke jetuar në tunele në Rripin e Gazës dhe nuk është e qartë se sa kontakt ka ai me botën e jashtme.
Në mesin e udhëheqësve të tjerë të Hamasit të përfshirë në këtë aktakuzë janë edhe Haniyeh, nënkryetari i krahut të armatosur të Hamasit në Gaza, Marwan Issa, i cili ndihmoi në planifikimin e sulmit të vitit të kaluar, ndihmësi i ish-udhëheqësit Haniyeh, Khaled Mashaal dhe ish-udhëheqësit i grupit Mohammed al-Masri dhe Ali Baraka.
Sipas autoriteteve izraelite, në sulmin e 7 tetorit 2023 në Izraelin jugor nga militantët e Hamasit, që Shtetet e Bashkuara e kanë shpallur organizatë terroriste, u vranë 1200 njerëz dhe u morën peng 250 të tjerë
Në ofensivën izraelite ndaj militantëve të Hamasit, që pasoi sulmin në Izraelin jugor, mbi 40,000 palestinezë janë vrarë në Rripin e Gazës, sipas autoriteteve shëndetësore palestineze. Ministria e Shëndetësisë e kontrolluar nga Hamasi, nuk bën dallim midis militantëve dhe civilëve. Lufta ka shkaktuar shkatërrime të mëdha dhe ka detyruar shumicën dërrmuese të 2.3 milionë banorëve të Gazës të largohen nga shtëpitë e tyre.VOA
Komente
Lajme të tjera
-
Media: Biden ka autorizuar Ukrainën që të përdorë raketat amerikane me rreze të gjatë veprimi për të goditur Rusisë
17 Nëntor, 19:28 -
Në shoqërinë e Musk dhe anëtarëve të rinj të kabinetit, Trump ndjek nga afër një ndeshje MMA
17 Nëntor, 17:25 -
'Spot'/ Qeni robot, arma e re e Shërbimit Sekret amerikan që ruan Trump (VIDEO)
17 Nëntor, 16:55 -
Forumi i Bashkëpunimit Ekonomik Azi-Paqësor, Biden takohet me presidentin kinez Xi Jinping
17 Nëntor, 16:30 -
Presidenti i zgjedhur Trump emëron Chris Wright si Sekretar të Energjisë
17 Nëntor, 16:27 -
Fitorja e Trump/ Salianji letër nga qelia: Triumfi i tij ishte i jashtëzakonshëm! Edhe në Shqipëri ka sulme dhe tentativa për të asgjësuar kundërshtarin
17 Nëntor, 12:23 -
Izraeli sulmon Bejrutin, Hezbollahu i sulmon bazat ushtarake
17 Nëntor, 09:55 -
Fushata e Kamala Harris/ U shpenzuan 1.5 miliardë dollarë në total! 24 mijë dollarë për ushqim të shpejtë dhe akullore! Mbi 12 mln dollarë për fluturime private
17 Nëntor, 09:38 -
Rubio, nga 'Marco i vogël' në sekretar i Shtetit të SHBA
17 Nëntor, 09:07 -
Dëbimi i emigrantëve të paligjshëm nga SHBA, 'The Sun': Trump po shikon skemën e Ruandës që u hartua nga qeveria e kaluar britanike
17 Nëntor, 08:35 -
Izraeli bombardon ndërtesën shumëkatëshe, 72 të vdekur! Papa Françesku: Të hetohet gjenocidi në Gaza! Ambasada izraelite në Vatikan: Përpjekje për të izoluar shtetin hebre
17 Nëntor, 08:15 -
Lidhjet e Koresë së Veriut me Rusinë, në qendër të takimit të fundit të presidentit Joe Biden me presidentin Xi Jiping
16 Nëntor, 20:49
Imagjino amerika akuzon nje person qe lufton per lirine e vendit te vet kur ajo vet ka vrare me mijera iraken totalisht te pafajshem qe asgje nuk i kishin bere amerikes. Bile sadamin e kishin aleat deri sa shkaktonte lufte kunder Iranit
Përgjigju