POP 5

Lajmet më të lexuara të 5 minutave të fundit

Bota

SHBA dënon vendimin e Sirisë për njohjen e rajoneve separatiste

Shtetet e Bashkuara e dënuan vendimin e Sirisë për të njohur dy rajonet separatiste të Gjeorgjisë, Abkhazinë dhe Osetinë e Jugut, si shtete të pavarura.
SHBA dënon vendimin e Sirisë për njohjen e rajoneve separatiste

Shtetet e Bashkuara e dënuan vendimin e Sirisë për të njohur dy rajonet separatiste të Gjeorgjisë, Abkhazinë dhe Osetinë e Jugut, si shtete të pavarura.

Zëdhënësja e Departamentit të Shtetit, Heather Nauert, tha përmes një deklarate se SHBA-ja "e dënon fuqishëm synimin e regjimit sirian për të krijuar marrëdhënie diplomatike me rajonet gjeorgjiane të Abkhazisë dhe Osetisë së Jugut, të pushtuara nga Rusia".

"Këto rajone janë pjesë e Gjeorgjisë", tha Nauert.

"Qëndrimi i Shteteve të Bashkuara mbi Abkhazinë dhe Osetinë Jugore është i palëkundur", shtoi ajo.

Deklarata e saj vjen një ditë pasi Gjeorgjia ka thënë se do t'i reduktojë marrëdhëniet diplomatike me Sirinë, pas vendimit të Damaskut për të njohur Abkhazinë dhe Osetinë e Jugut si vende të pavarura.

Bashkimi Evropian po ashtu e dënoi veprimin e Sirisë, duke thënë se "shkel ligjin ndërkombëtar".

Osetia e Jugut dhe Abkhazia janë rajone separatiste, të mbështetura nga Rusia, që kanë shpallur pavarësinë nga Gjeorgjia.

Rusia i ka njohur ato si shtete të pavarura pas një lufte pesëditore me Gjeorgjinë në vitin 2008.

Venezuela, Nikaragua dhe ishulli Nauru i Paqësorit e kanë njohur po ashtu pavarësinë e Abkhazisë dhe Osetisë së Jugut.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Sot derbi Roma - Lazio, policia sekuestron thika dhe sende të forta nga tifozët ultras

Sot derbi Roma - Lazio, policia sekuestron thika dhe sende të forta nga tifozët ultras

5 Janar, 18:22