VIDEO/ SHBA futi Berishën dhe familjen e tij në 'listën e zezë', momenti kur Rama e pyeste në Kuvend: Përgjigju, e kalon dot Oqeanin?

SHBA futi sot ish-kryeministrin dhe ish-Presidentin Sali Berisha në listën e zezë, duke e shpallur si të 'korruptuar që ka minuar demokracinë'.

Por duket se një informacion të tillë, kryeministri Edi Rama e ka patur një lloj informacioni në lidhje më këtë që vitin 2019. Në një seancë parlamentare, nga foltorja e Kuvendit, Rama i drejtohet Berishës duke e pyetur: "Sali ti e kapërcen dot oqeanin me dash?"

Por në një përgjigje për gazetarët që e pyetën nëse SHBA i kishte refuzuar vizën, Berisha tha se një gjë e tillë nuk kishte ndodhur kurrë.

'Kurrë në jetën time, në mënyrë absolute, por unë nuk udhëtoj, udhëtime shumë shumë të rralla', tha ai asokohe.

SHBA sot futi në listën e zezë të DASH, Sali Berishën dhe familjen e tij, ku lajmin e dha sot vetë Sekretari amerikan i Shtetit Antony Blinken.

'Akte të korruptuara të ish-Presidentit të Shqipërisë Sali Berisha minojnë demokracinë në Shqipëri. Unë jam duke caktuar publikisht Berishën dhe anëtarët e familjes së tij të afërt si të papërshtatshëm për hyrjen në Shtetet e Bashkuara. Ne mbetemi të bashkuar kundër korrupsionit me partnerët tanë në Shqipëri', shkroi Blinken në një postim në Twitter.

 

Rendit zhvillimet sipas orarit:
Ora 16:10
SHBA e futi në 'listën e zezë', çfarë deklaronte Berisha kur pyetej nëse ishte shpallur i padëshirueshëm nga Amerika: Kam me dhjetëra ftesa, i kam refuzuar  

Ish-Presidenti dhe ish kryeministri Sali Berisha u shpall sot publikisht non grata nga SHBA-të, së bashku me bashkëshorten dhe dy fëmijët e tij. Ky lajm kishte kohë që flitej nën zë, e madje vetë ish-kryeministri Berisha ishte pyetur publikisht nëse i ishte refuzuar viza për në SHBA, pas insinuatave që bëri në Kuvend kryeministri Edi Rama.

Berisha do të deklaronte asokohe që nuk kishte tentuar asnjëherë që të udhëtonte drejt SHBA-ve, dhe se nuk ishte një njeri që i pëlqenin udhëtimet.

Pjesë nga intervista e 2019-tës:

Sali Berisha: E them me përgjegjësi absolute se që nga dita që kam dorëzuar detyrë deri më sot nuk kam bërë asnjë kërkesë për të shkuar zyrtarisht në asnjë vend të globit. E konsideroj veten person privat. Nuk kam bërë asnjë kërkesë, nuk më është refuzuar asgjë. E kundërta mund të ketë ndodhur. Më kanë ardhur me dhjetëra ftesa, i kam refuzuar që të gjitha. Asnjë udhëtim zyrtar nuk pranoj sepse kam dhënë dorëheqje. Nuk më shkon mua tani të kaloj nga një zyrë në tjetrën.

Blendi Fevziu: Keni tentuar të shkoni privatisht në SHBA?

Sali Berisha: Kurrë, në mënyrë kategorike. Kur më është sugjeruar një gjë e tillë nga ambasadori i atij vendi (Donald Lu), ja kam shpjeguar, jo i kam thënë nuk shkoj, sepse unë tani jam privat. Kjo është e vërteta.

Blendi Fevziu: Nga doli ky lajm?

Sali Berisha: Nuk e kam dëgjuar kurrë! Në mënyrë kategorike as e kam dëgjuar as e kam parë. Që nga viti 2013 deri sot nuk kam bërë kurrë asnjë kërkesë për asnjë udhëtim as në SHBA dhe në asnjë vend tjetër që ka viza. Sa i përket Gjermanisë, kam qenë mëngjesin e lutjeve. Gjysma e atyre që shkojnë aty janë si puna ime. Është mëngjes lutjesh.

/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Presidenti i ri duhet të jetë i PS apo i opozitës?



×

Lajmi i fundit

John

Zelensky: Veprimi rus në Donbas është një politikë e qartë gjenocidi