Një gjykatëse hodhi poshtë të hënën kërkesën e ish-presidentit amerikan Donald Trump për të pasur qasje tek të dhënat e hetimit nga Kongresi për sulmin e 6 janarit 2021 ndaj Kapitolit, për të cilat ish-presidenti tha se mund të jenë të rëndësishme për mbrojtjen e tij kundër akuzave për ndërhyrje në zgjedhje.
Gjykatësja Tanya Chutkan në qarkun e Uashingtonit arriti në përfundimin se Trump "nuk i ka mbështetur mjaftueshëm me argumenta kërkesat e tij" për informacione lidhur me hetimin e Dhomës së Përfaqësuesve të udhëhequr nga demokratët, që përfundoi në vitin 2022.
Ish-presidenti Trump u përpoq që të siguronte materialet që avokatët e tij thanë se "mungonin" nga hetimi i Dhomës së Përfaqësuesve, duke përfshirë transkriptet dhe regjistrimet video të intervistave me zyrtarë të rendit.
Gjykatësja arriti në përfundimin se prokurorët i kishin dhënë zotit Trump transkriptet e atyre intervistave dhe se avokatët e ish-presidentit Trump nuk kishin argumentuar se versioni video i atyre bisedave, mund të ishte i rëndësishëm për mbrojtjen e tij.
Trump ka thënë se është i pafajshëm ndaj akuzave se ai në mënyrë të paligjshme u përpoq të përmbyste rezultatin e zgjedhjeve të vitit 2020, të cilar ai i humbi.
Aktpadia e ngritur nga Prokurori i Posaçëm Jack Smith, është një nga katër çështjet penale me të cilat përballet zoti Trump.
Pas një vendimi të veçantë gjykate, ekipi i prokurorit Smith publikoi të hënën informacione të reja në lidhje me një urdhër në janar për informacion lidhur me llogarinë e zotit Trump ndaj medias sociale Twitter, që njihet tani si X.
Llogaria e ish-presidentit Trump në Twitter u pezullua pas trazirave të vitit 2021 në Kapitol nga mbështetësit e tij. Kjo masë u hoq në nëntor 2022 pasi Elon Musk mori drejtimin e platformës./VOA
Komente
Lajme të tjera
-
‘Studio Live’, avokati Islami: ‘Berisha do arrestohet, non grata s'i hiqet! Nuk do ketë zgjedhje!’ Balliu sulmon Bashën si ‘dështak’: Kam votuar Olldashin!
26 Dhjetor, 18:14 -
Ish-diplomati amerikan paralajmëron: SHBA-ja nuk do të ketë më qasje tradicionale ndaj Kosovës dhe Serbisë
26 Dhjetor, 15:27 -
NBA/ LeBron fiton 'betejën' me Curry-n, mposhten kampionët e Boston
26 Dhjetor, 13:51 -
Fluturimi i dronit në Shtëpinë e Bardhë, urimet e fundit për festat e fundvitit të Biden për amerikanët
26 Dhjetor, 11:52 -
Pesë pyetje për 2025-ën
26 Dhjetor, 08:23 -
Realizohet me sukses teleportimi i parë kuantik, na afron më shumë me të ardhmen!
25 Dhjetor, 21:44 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44
