POP 5

Lajmet më të lexuara të 5 minutave të fundit

Arkiva

SHBA, Gordon: Qeveria
të pranojë kompromisin

Ndihmës sekretari i SHBA për Europën deklaron se kemi nxitur qeverinë të miratojë rekomandimet e BE-së dhe OSBE-së për reformë, si edhe të bëjë përpjekje realiste dhe të prekshme për të përfshirë opozitën dhe për të pranuar kompromisin si pjesë e procesit politik.
SHBA, Gordon: Qeveria <br />të pranojë kompromisin
TIRANE-Ndihmës sekretari i SHBA për Europën, Filip Gordon, ka deklaruar se SHBA është e shqetësuar për tejzgjatjen e ngërçit politik në Shqipëri. Ai ka vlerësuar faktin se opozita i ka dhënë fund bojkotit, ndërsa ka kërkuar nga ana e mazhorancës që të pranojë kompromisin. Kështu, Ambasada e SHBA-ve në vendim tonë i referohet një raporti të Ndihmës Sekretarit Filip Gordon me titull "Gjendja në Ballkan", ku në një kapitull të vecantë për Shqipërinë, thuhet se Parlamenti "nuk ka mundur të miratojë ligjet e reformës të përcaktuara nga BE si të detyrueshme për të marrë statusin e vendit kandidat", thuhet në njoftimin e ambasadës.

 SHBA ndër të tjera vlerëson rolin e opozitës për të hequr dorë nga bojkoti dhe fton forcat politike të lënë mënjanë grindjet vetjake dhe të punojnë për plotësimin e rekomandimeve të OSBE-ODIHR.

"Shtetet e Bashkuara janë të shqetësuara në lidhje me ngërçin e stërzgjatur politik në Parlament, i cili nuk ka mundur të miratojë ligjet e reformës të përcaktuara nga BE-ja si të detyrueshme për të marrë statusin e vendit kandidat. Na inkurajon fakti që opozita e ka përfunduar bojkotin e parlamentit pas procesit të zgjatur për vendosjen e rezultatit të zgjedhjeve për kryetar bashkie ne Tiranë", thuhet në deklaratën e ndihmës sekretarit amerikan të shtetit Gordon.

Ai ka nënvizuar faktin se "e kemi nxitur qeverinë të miratojë rekomandimet e BE-së dhe OSBE-së për reformë, si edhe të bëjë përpjekje realiste dhe të prekshme për të përfshirë opozitën dhe për të pranuar kompromisin si pjesë e procesit politik". Në të njëjtën kohë, Gordon bën me dije se SHBA ka nxitur opozitën të jetë e përgjegjshme dhe e gatshme - gjë e cila, në një demokraci të pjekur, kërkon pjesëmarrje të plotë dhe aktive në parlament. "Pas dy vitesh mpirjeje, ka ardhur koha që drejtuesit politikë të kapërcejnë grindjet vetjake dhe të bëjnë përparim konkret me programin e reformës ose përndryshe do të rrezikojnë të humbasin hovin e mëtejshëm. Jemi duke vepruar si partnerë me BE, qeverinë shqiptare dhe shoqërinë civile për shqyrtimin e 12 reformave me përparësi që nevojiten për pranimin në BE", ka thënë Gordon.
(shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lufta/ Sulm masiv me raketa në Kharkiv! Zelensky: 2025 bëhet viti i paqes për Ukrainën

Lufta/ Sulm masiv me raketa në Kharkiv! Zelensky: 2025 bëhet viti i paqes për Ukrainën

25 Dhjetor, 08:15